༄༅།།བོད་ལྗོངས་མེ་ཏོག་རྫོང་དུ་ཇ་ལོ་བཏབ་ནས་མང་ཚོགས་ཕྱུག་པོའི་ལམ་དུ་སྐྱོད།

     བོད་རང་སྐྱོང་ལྗོངས་ཉིང་ཁྲི་གྲོང་ཁྱེར་མེ་ཏོག་རྫོང་གི་ཆ་སྙོམས་ས་བབ་མཐོ་ཚད་སྨི་1200ཟིན་ཞིང་། 2012ལོར་ཇ་ལོ་བཏབ་པ་ནས་བཟུང་གྲོང་ཚོ་39ལ་ད་ལྟ་ཚད་གཞི་མཐོ་བའི་ཇ་ཞིང་103གསར་སྤེལ་བྱས་པ་དང་སྤྱིའི་རྒྱ་ཁྱོན་མུའུ་ཁྲི་1.92ཙམ་ཟིན་ཡོད།
     འདི་ལོའི་མེ་ཏོག་རྫོང་གི་ཇ་ལོ་ཟླ་3ཚེས་17ཉིན་ནས་འཐོག་འགོ་བརྩམས་ཤིང་། ཟླ་4ཚེས་22ཉིན་བར་ས་གནས་དེ་གའི་མང་ཚོགས་ལ་ཡོང་འབབ་སྒོར་ཁྲི་590ལྷག་ཙམ་བྱུང་བ་མ་ཟད། ད་དུང་རྫོང་ཡོངས་ཀྱི་ཇའི་ཐོན་ལས་ཀྱི་ཟུར་བསྣན་རིན་ཐང་ཡང་སྒོར་ཁྲི་4000ལྷག་ཙམ་ཟིན་ཡོད།