མི་དམངས་དྲ་བ།

༄༅།།གཏམ་རྒྱུད་བཞི་ལས་བོད་ཀྱི་བགྲང་བྱ་དོན་ལྔའི་འཕོ་འགྱུར་ཆེན་པོར་བལྟ་བ།

གསར་འགྱུར་སྤེལ་དུས། 　【2026ལོའི་ཟླ་ 10ཚེས་21ཉིན། 17:15】 ཡོང་ཁུངས།：མི་དམངས་ཉིན་རེའི་ཚགས་པར། （རྩོམ་སྒྲིག་འགན་འཁུར་པ། ཚེ་དབང་།）

བགྲང་བྱ་75ཡི་གོང་། བོད་ཞི་བས་བཅིངས་འགྲོལ་བཏང་ནས་ས་མཐོར་ལོ་རྒྱུས་ཀྱི་ཤོག་ལྷེ་གསར་པ་ཕྱེ་བ་དང་། དེ་རྗེས་དམངས་གཙོའི་བཅོས་སྒྱུར་གྱི་དཔྱིད་ཀྱི་འབྲུག་སྒྲ་ལྡིར་ནས་ལོ་ངོ་སྟོང་གི་ཞིང་བྲན་ལམ་ལུགས་རྩ་མེད་དུ་བཏང་བ་རེད། “རང་ཉིད་ཀྱི་གྲིབ་མ་ལས་གཞན་གང་ཡང་མེད་པའི”ཞིང་བྲན་ཁྲི་ཚོ་བརྒྱར་སླར་ཡང་འཚོ་བ་གསར་པ་སྐྱེལ་རྒྱུ་བྱུང་བ་དང་། སྐེད་པ་འདྲོངས་ནས་རང་ཉིད་ལ་དབང་བའི་བདེ་སྐྱིད་ལྡན་པའི་འཚོ་བ་ཐེངས་དང་པོ་སྐྱེལ་རྒྱུ་བྱུང་ཡོད།

དུས་རབས་གསར་པའི་ཏང་གི་བོད་སྐྱོང་མཛད་ཇུས་ཀྱི་སྣེ་ཁྲིད་འོག གངས་ལྗོངས་ས་མཐོར་མཆོང་སྐྱོད་རླབས་པོ་ཆེ་བྱུང་བ་དང་ཡར་ལངས་ཞིང་བྲན་རྣམས་སྔ་ས་ནས་ཕ་མེས་ཚོས་རེ་སྒུག་བྱེད་པའི་བདེ་སྐྱིད་ལྡན་པའི་འཚོ་བ་སྐྱེལ་བཞིན་ཡོད།

སློབ་གསོ་དང་། རིག་གནས། ལས་ཞུགས། སྨན་བཅོས། རྒན་གསོ་ལ་སོགས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཐུགས་ཁྲལ་གནང་བའི་དམངས་འཚོའི་གནད་དོན་དེ་གར་ཐག་གཅོད་དོན་འཁྱོལ་བྱུང་ནས་དཔྱིད་དཔལ་བཞད་པ་ལྟར་ཁྱིམ་ཚང་ཁྲི་སྟོང་མང་པོར་དྲོ་སྐྱིད་སྦྱིན་ཡོད།

ཉེ་ཆར། གསར་འགོད་པ་ཡངས་ཤིང་རྒྱ་ཆེ་བའི་ས་མཐོར་བསྐྱོད་ནས། བོད་རྙིང་པའི་བཀས་བཀོད་རྒྱུད་འཛིན་ཞིང་བྲན་ལམ་ལུགས་དངོས་སུ་བརྒྱུད་མྱོང་བའི་རྒན་རྒོན་ཚོའི་ཞལ་ནས། ཀྲུང་གོ་གུང་ཁྲན་ཏང་གི་བཀའ་དྲིན་ལས་གངས་ལྗོངས་ས་མཐོར་དཔྱིད་དཔལ་རབ་ཏུ་བཞད་པའི་སྐོར་གསུངས་པར་ཉན།