༄༅།།དཔྱིད་རྨོད་བྱ་ཡུལ“ཚན་རྩལ་ར་བ་གཙོ་བོར”གྱུར་པ།

འདི་ག་ཚགས་པར་ཁང་དུ་པེ་ཅིང་ནས་ཟླ་3ཚེས་19ཉིན་གློག་འཕྲིན་འབྱོར་གསལ། དྲོད་ཚད་འཕར་བ་དང་བསྟུན་ནས་རྒྱལ་ཡོངས་ཀྱི་དཔྱིད་རྨོད་ཐོན་སྐྱེད་གཅིག་རྗེས་གཉིས་མཐུད་ངང་འགོ་ཚུགས་ཡོད། མིག་སྔར། ལྷོ་ཕྱོགས་ཀྱི་སྔ་སྨིན་འབྲས་འདེབས་འགོ་ཚུགས་པ་དང་བྱང་ཕྱོགས་ཀྱི་དགུན་གྲོ་ཕྱོགས་ཡོངས་ནས་སྔོ་ལོག་བརྒྱབ་ཡོད།

ཞིང་ལས་གྲོང་གསེབ་པུའི་ཞིང་ལས་གནས་ཚུལ་གྱི་བཀོད་གཏོང་ལས་མངོན་པར། ད་ལོའི་དཔྱིད་འདེབས་ཀྱི་རྒྱ་ཁྱོན་བརྟན་པོའི་ངང་ཕྲན་བུ་འཕར་ཡོད། འབྲི་ཆུ་རྒྱུག་ཁུལ་དུ་ཟླ་གསུམ་པའི་ཟླ་དཀྱིལ་དང་ཟླ་སྨད་དུ་ལྗང་གསོ་བྱེད་འགོ་ཚུགས་པ་དང་། བྱང་ཤར་དུ་ཟླ་བཞི་པའི་ཟླ་སྟོད་དུ་འདེབས་འགོ་ཚུགས་ནས“ལྔ་གཅིག”གི་སྔ་ནུབ་ཏུ་མ་རྨོས་ལོ་ཏོག་དང་སྲན་ཆེན་གཞི་ཁྱོན་ཆེན་པོས་འདེབས་རྒྱུ་རེད། མིག་སྔར། དགུན་གྲོའི་རིགས་དང་པོ་དང་གཉིས་པའི་ལྗང་པའི་བསྡུར་ཚད་བཅུ་ཆ་བརྒྱད་ལྷག་ཙམ་བཟུང་བ་དེ་དགུན་ཁ་མ་ཤར་གོང་ལས་བརྒྱ་ཆའི་གྲངས་30ལྷག་ཙམ་འཕར་ཡོད།

སྔོན་ཐོན་གྱི་ཆ་རྐྱེན་ལ་བརྟེན་ནས་དཔྱིད་རྨོད་དང་ཞིང་ནང་གཡོག་བྱེད་བྱ་ཡུལ་དེ“ཚན་རྩལ་ར་བ་གཙོ་བོར”འགྱུར་བར་བྱེད་དགོས།

སོན་གྱི་སྤུས་ཀ་སྔར་བས་ལེགས་པ། ཅང་ཤིས་ཀྱིས་ཆུ་འབྲས་ཐོན་སྐྱེད་ཀྱི་སོན་སྤྱོད་ཕྱོགས་སྟོན་ཁྱབ་བསྒྲགས་བྱས་ཏེ་ཞིང་ཆེན་གྱི་འདེབས་ཡུལ་མི་འདྲ་བ་9ཡི་སྔ་སྨིན་འབྲས་ཀྱི་སོན་སྤུས་ལེགས་བདམས་ཏེ་ཆུ་འབྲས་ཀྱི་སྤུས་ཀ་ལེགས་སུ་འགྲོ་བར་སྐུལ་འདེད་བཏང་ཡོད།

ལྗང་གསོ་དེ་བས་ནུས་ཕྱོད་ཆེ་བ། ཧུའུ་ནན་དབྱིས་དབྱང་གྲོང་ཁྱེར་ཐའོ་ཅང་རྫོང་གི་ཧུའུ་ནན་ཏཱ་ཏུའེ་ཀྲང་ཞིང་ལས་ཚད་ཡོད་ཀུང་སིའི་ལྗང་གསོ་བཟོ་གྲྭར་མི་མེད་སྐྱེལ་འདྲེན་རླངས་འཁོར་ནུས་ཆེའི་ངང་བཀོལ་སྤྱོད་བྱེད་བཞིན་ཡོད་པ་དང་། མུན་ཁང་ནང་འདེབས་གསོ་བྱས་པའི་ལྗང་མྱུག་དག་སྐར་མ་10ཡང་མ་འགོར་བར་རིག་ནུས་ལྗང་གསོའི་དྲོད་ཁང་ཆེ་མོར་དབོར་གྱི་ཡོད། མིག་སྔར་དབྱིས་དབྱང་གྲོང་ཁྱེར་གྱིས་གཅིག་སྡུད་ལྗང་གསོའི་སྒྲིག་བཀོད་སྨི་ངོས་གྲུ་ཁྲི་བརྒྱ་ལྷག་ཙམ་བསྐྲུན་ཡོད་པ་རེད།

ད་ལོ་ཚུན་དུ། ཀྲུང་གོ་ཞིང་ལས་དངུལ་ཁང་གིས་དཔྱིད་རྨོད་རྨོད་གྲབས་ལ་མ་དངུལ་གྱི་རྒྱབ་སྐྱོར་བྱེད་ཤུགས་ཆེ་རུ་བཏང་བས། འབྲུ་རིགས་དང་ཞིང་ལས་ཐོན་རྫས་གཙོ་བོའི་མཁོ་སྤྲོད་འགན་ལེན་གྱི་འབྲེལ་ཡོད་ཁྱབ་ཁོངས་ཀྱི་དངུལ་བུན་གཏོང་ཚད་སྒོར་དུང་ཕྱུར་1500ལྷག་ཙམ་འཕར་ཡོད། ཞིང་ལས་འཕྲུལ་ཆས་ཁྲིམས་མིའི་དངུལ་བུན་ལྷག་གྲངས་ཟླ་གཉིས་པའི་ཟླ་མཇུག་ཏུ་ལོ་འགོ་ལས་20%འཕར་ཏེ་རིག་ནུས་ཞིང་འཕྲུལ་སྒྲིག་ཆས་ཐད་ཀར་ཐོན་སྐྱེད་ཐད་སྤྱོད་པར་རམ་འདེགས་ཐུབ་ཡོད།