མི་དམངས་དྲ་བ།

༄༅།།2025ལོའི་ཀྲུང་གོའི་གློག་བརྙན་དུས་ཆེན་སི་རི་ལན་ཁར་འགོ་ཚུཌ་པ།

གསར་འགྱུར་སྤེལ་དུས། 　【2025ལོའི་ཟླ་ 11ཚེས་27ཉིན། 13:46】 ཡོང་ཁུངས།：མི་དམངས་ཉིན་རེའི་ཚགས་པར། （རྩོམ་སྒྲིག་འགན་འཁུར་པ། མཁའ་འགྲོ།）

འདི་ག་ཚགས་པར་ཁང་དུ་གྲོང་ཁྱེར་པང་ཁོག་ནས་གློག་འཕྲིན་འབྱོར་གསལ། ཁོ་ལོན་པོ་ནས་གནས་ཚུལ་སྤེལ་བར། 2025ལོའི་ཀྲུང་གོའི་གློག་བརྙན་དུས་ཆེན་གྱི་འགོ་ཚུགས་མཛད་སྒོ་ཚེས་23ཉིན་གྱི་དགོང་མོར་སི་རི་ལན་ཁའི་ཁོ་ལོན་པོ་རུ་གནས་པའི་སི་རི་ལན་ཁ་རྒྱལ་ཁབ་གློག་བརྙན་ཀུང་སིའི་གློག་བརྙན་ཁང་དུ་འཚོགས་ཤིང་། ཀྲུང་གོ་དང་སི་རི་ལན་ཁའི་ལས་རིགས་ཁག་གི་མི་སྣ་200ལྷག་ཙམ་ཞུགས་ཡོད་པ་རེད།

ཐེངས་འདིའི་གློག་བརྙན་དུས་ཆེན་ནི་སི་རི་ལན་ཁར་བཅའ་སྡོད་ཀྲུང་གོའི་གཞུང་ཚབ་ཆེ་མོ་ཁང་དང་ཀྲུང་གོ་རྒྱལ་ཁབ་གློག་བརྙན་ཅུས་ཀྱིས་མཉམ་དུ་གཙོ་གཉེར་བྱས་པ་ཞིག་རེད། སི་རི་ལན་ཁར་བཅའ་སྡོད་ཀྲུང་གོའི་གཞུང་ཚབ་ཆེ་མོ་བ་ཆི་ཀྲེན་ཧུང་གིས་འགོ་ཚུགས་མཛད་སྒོའི་ཐོག་ཤིས་ཚིག་སྒྲོན་སྐབས། ཐེངས་འདིའི་གློག་བརྙན་དུས་ཆེན་གྱིས་ཀྲུང་གོའི་དེང་རབས་གློག་བརྙན་གྱི་ཡིད་དབང་འཕྲོག་ཤུགས་མངོན་པ་མ་ཟད། ཀྲུང་སི་རྒྱལ་ཁབ་གཉིས་པོའི་མི་དམངས་དབར་གྱི་རིག་གནས་སྤེལ་རེས་དང་མཛའ་གྲོགས་འགྲོ་འོང་ཡང་སྔར་བས་ཟབ་ཏུ་ཕྱིན་ཡོད། རྒྱ་ཆེའི་སི་རི་ལན་ཁའི་གྲོགས་པོ་ཚོས་ཐེངས་འདིའི་གློག་བརྙན་དུས་ཆེན་གོ་སྐབས་སུ་བྱས་ནས་དངོས་ཡོད་དང་ངོ་མཚར་ཆེ་ལ་འཕེལ་རྒྱས་མགྱོགས་མྱུར་འགྲོ་བཞིན་པའི་དེང་རབས་ཀྱི་ཀྲུང་གོར་སྔར་བས་ཤེས་རྟོགས་བྱེད་པའི་རེ་བ་ཡོད་ཅེས་གསུངས་པ་རེད།

འགོ་ཚུགས་མཛད་སྒོར་ཀྲུང་གོའི་ཚན་འཕྲུལ་གློག་བརྙན《སའི་གོ་ལ་བསྐོར་བ》བསྟན་པ་དང་། ལྟད་མོ་བ་ཞི་མ་ཤིས·ཞིར་ཝ་ཡིས། གློག་བརྙན་ནང་ཐོན་པའི་སྔོན་ཐོན་གྱི་ཚན་རྩལ་དང་དེ་བཞིན་སའི་གོ་ལ་སྐར་མ་ཕུར་བུའི་མཚམས་སུ་སླེབས་པའི་ངོ་མཚར་གྱི་རྣམ་པ་དེས་ང་ལ་བག་ཆགས་ཟབ་མོ་བཞག་བྱུང་ཞེས་བཤད།