གསར་འགྱུར་སྤེལ་དུས། 【2025ལོའི་ཟླ་ 11ཚེས་26ཉིན། 14:32】 ཡོང་ཁུངས།:མི་དམངས་དྲ་བ། (རྩོམ་སྒྲིག་འགན་འཁུར་པ། ཚེ་དབང་།)
དེ་རིང་སྔ་དྲོ་བོད་རང་སྐྱོང་ལྗོངས་སྲིད་གཞུང་གི་གསར་འགྱུར་གཞུང་དོན་ཁང་གིས་གསར་འགྱུར་ཡོངས་བསྒྲགས་ཚོགས་འདུ་འཚོགས་ནས་2025ལོའི་རང་སྐྱོང་ལྗོངས་ཀྱི་སྨན་རྫས་བདེ་འཇགས་དང་སྨན་རྫས་ཐོན་ལས་སྤུས་ཚད་མཐོན་པོར་འཕེལ་རྒྱས་གཏོང་བའི་སྐོར་གྱི་འབྲེལ་ཡོད་གནས་ཚུལ་ངོ་སྤྲོད་བྱས་པ་རེད།
ངོ་སྤྲོད་བྱས་པར་གཞིགས་ན། 2024ལོར་བོད་ཀྱི་བོད་སྨན་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར་34ཟིན་ཅིང་། གྲུབ་འབྲས་གཟེངས་སུ་ཐོན་པ་དེ་ནི་ལྟ་སྐུལ་དོ་དམ་དང་འཕེལ་རྒྱས་གཉིས་དཔུང་པ་མཉམ་གཤིབ་ཀྱིས་སྤེལ་བ་ལས་བྱུང་བ་ཡིན་པ་རེད།
ཚད་གཞི་སྔོན་ལ་བཟོས་ནས་རྨང་གཞི་བརྟན་པོར་བཏིང་། 《བོད་སྨན་གྱི་ཚད་གཞི་95འགྲེམ་སྟོན་》བཟོ་བཅོས་རྒྱུན་མཐུད་ངང་སྐུལ་འདེད་བཏང་བ་དང་། རིམ་རྩིས་བརྒྱབ་ན་སྣ་ཁ་80གོང་ཞུ་བྱས་པ་ནས། 11ལ་ཆོག་མཆན་ཐོབ་པ། “བོད་ཀྱི་ར་མཉེ་”སོགས་བོད་སྨན་གྱི་ཚད་གཞི་18ཁྱབ་བསྒྲགས་བྱས་པས་གནའ་བོའི་བོད་སྨན་ལ་དེང་རབས་ཀྱི་“ཐོབ་ཐང་ལག་ཁྱེར་”ལྡན་ཡོད་པ་རེད། “ཀྲུང་གོའི་བོད་སྨན་ཐོན་མཛོད་”ནང་སྨན་ཐོ་1613ཙམ་ཀྲུང་གོའི་བོད་སྨན་ཐོན་ཁུངས་མཛོད་ནང་བཅུག་ནས་རྒྱུན་འཛིན་གྱི་རྩ་བ་ཉར་ཡོད་པ་རེད།
གསར་གཏོད་ཀྱིས་གསོན་ཤུགས་འཕེལ་བར་བྱས་པ། བོད་སྨན་སྨན་རྫས་གསར་པ་13ཞིབ་འཇུག་བྱེད་བཞིན་པ་དང་། བོད་སྨན་ཐོན་ཁུལ་ལས་སྣོན་བྱེད་ཁུལ་9ལ་སྒྲིག་སྲོལ་ཁ་གསལ་བཟོས་ཡོད་པ་རེད། “སྤྱོད་ཐེངས་གཅིག་གི་བོད་ལུགས་ཁྲག་གཏར་ཁུག་མ་་”སོགས་བོད་སྨན་གྱི་ཡོ་བྱད་ལྔ་ཚོང་རར་བདེ་བླག་ངང་བཏོན་ནས་ཁྱབ་ཁོངས་ཀྱི་སྟོང་ཆ་གསབ་སྟེ་ཐོན་རྫས་རིན་ཐང་སྒོར་ཁྲི་སྟོང་ལས་བརྒལ་ནས་བོད་སྨན་གྱི་ཕྱི་ཕྱོགས་སྨན་བཅོས་བྱེད་ཐབས་ཀྱིས་མང་ཚོགས་དེ་བས་མང་པོར་ཕན་ཐོགས་ཡོད་པ་རེད།
གནའ་བོའི་དཔེ་རྙིང་གི་བློ་གྲོས་ནས་དེང་རབས་ཐོན་ལས་བར་དང་། ས་གནས་ཀྱི་ཁྱད་ཆོས་ནས་ཚད་གཞི་ཚད་ལྡན་བར་དུ། ས་མཐོའི་བོད་སྨན་རྒྱུན་འཛིན་དང་གསར་གཏོད་ཀྱི་ལེའུ་གསར་པ་བརྩམས་དང་རྩོམ་བཞིན་ཡོད།