༄༅།།ཀའོ་ཧྲིས་“ཀྲུང་གོའི་ཙུང་ལི་དང་གླེང་མོལ་བྱེད་པའི་གོ་སྐབས་མ་བྱུང་”བརྗོད་པའི་ཐད་ཕྱི་འབྲེལ་པུའུ་ཡིས་ལན་བཏབ།

     སིང་ཀ་ཕོར་གྱི་《མཉམ་འབྲེལ་ཞོགས་པའི་ཚགས་པར་》དྲ་ཚིགས་ཀྱིས་ཟླ་11ཚེས་24ཉིན་ལྗར་པན་གྱི་རྒྱ་ཡིག་དྲ་བའི་ཐོག་གི་ནས་ཚུལ་དྲངས་ནས་སྤེལ་བར་གཞིགས་ན། ལྗར་པན་གྱི་དབུ་བཞུགས་བློན་ཆེན་ཀའོ་ཧྲི་ཙའོ་མིའོ་ཡིས་ཁོ་མོར་རྒྱལ་ཁབ་ཉི་ཤུ་ཚོགས་པའི་（G20）དབུ་ཚོགས་རིང་ཀྲུང་གོའི་རྒྱལ་སྲིད་སྤྱི་ཁྱབ་ཁང་གི་ལི་ཆང་དང་གླེང་མོལ་བྱེད་པའི་གོ་སྐབས་མ་བྱུང་ཅེས་བཤད་པ་རེད། ལྗར་པན་ཕྱི་འབྲེལ་པུའི་དཔོན་རིགས་ཤིག་གིས་ལྗར་པན་དང་ཀྲུང་གོའི་ཁ་གཏད་ལངས་ཕྱོགས་ཤུགས་ཆེ་ཤོས་སུ་སླེབས་མེད་པ་དང་། ཕྱོགས་གཉིས་པོའི་འབྲེལ་བ་རིང་ཤོས་སུ་ལོ་བཞི་ནས་ལྔ་བར་སོང་རྗེས་གཞི་ནས་སླར་གསོ་བྱེད་ཐུབ་ཅེས་བཤད་པ་རེད། གནས་འཕྲིན་སྤེལ་བར་གཞིགས་ན། G20དབུ་ཚོགས་མཇུག་བསྒྲིལ་རྗེས་ཚེས་23ཉིན་ཀའོ་ཧྲི་ཡིས་ཨ་ཧྥེ་རི་ཁ་ལྷོ་མའི་གསར་འགོད་པའི་དྲི་བར་ལན་འདེབས་སྐབས་གོང་གི་གསལ་བཤད་བྱས་པ་རེད།

     ཚེས་22ཉིན་G20དབུ་ཚོགས་ལྷོ་ཨ་ཧྥེ་རི་ཁའི་གཡོད་ཧན་ནེ་སི་པའོ་རུ་འགོ་ཚུགས་པ་རེད། ཉིན་དེའི་མཉམ་པར་བསྐྱོན་པའི་ལྷུ་ཚིགས་སུ། ཀའོ་ཧྲི་དང་ལི་ཆང་དབར་སྐབས་ཤིག་རིང་བར་ཐག་ཧ་ཅང་ཐག་ཉེ་སྟེ་ཁོ་གཉིས་བར་འགོ་ཁྲིད་པ་གསུམ་ལས་མེད་མོད། འོན་ཀྱང་སྐབས་དེར་ཁོང་གཉིས་ཀྱིས་འཚམས་འདྲི་བྱས་མེད།

     ཟླ་11ཚེས་20ཉིན་ཀྲུང་གོའི་ཕྱི་འབྲེལ་པུའི་མགྲིན་ཚབ་པ་མའོ་ཉིང་གིས་རྒྱུན་ལྡན་གྱི་གསར་འགོད་པའི་ཚོགས་འདུའི་ཐོག་ལི་ཆང་གིས་G20དབུ་ཚོགས་བྱེད་རིང་ལྗར་པན་གྱི་འགོ་ཁྲིད་པ་དང་མཇལ་འཛོམས་བྱེད་པའི་བཀོད་སྒྲིག་མེད་པས། “ལྗར་པན་ཕྱོགས་ནས་རང་བརྩི་གནང་རོགས་”ཞེས་གསུངས་པ་རེད།

     ཚེས་24ཉིན་གྱི་རྒྱུན་ལྡན་གྱི་གསར་འགོད་པའི་ཚོགས་འདུའི་ཐོག གསར་འགོད་པ་ཞིག་གིས་ཀའོ་ཧྲི་ཙའོ་མིའོ་ཡིས་ལྗར་པན་གྱིས་སྔར་བཞིན་ཀྲུང་གོ་དང་སྒོ་འབྱེད་ཀྱི་སྐད་ཆ་ཤོད་རྒྱུར་རྒྱུན་འཁྱོངས་བྱེད་འདོད་ཡོད་ཅེས་བཤད་པ་དང་། ཀྲུང་གོ་ཕྱོགས་ཀྱིས་དེའི་ཐད་དཔྱད་གཏམ་གང་ཞིག་སྤེལ་རྩིས་ཡོད་དམ་ཅེས་དྲིས་པར། མའོ་ཉིང་གིས་ལྗར་པན་ཕྱོགས་ཀྱིས་ཀྲུང་གོ་ཕྱོགས་ཀྱི་དོ་ཁུར་ལ་ལྟ་སྟངས་ནན་པོ་བཟུང་ནས་ཐའེ་ཝན་དང་འབྲེལ་བ་ཡོད་པའི་ནོར་འཁྲུལ་གྱི་གཏམ་བརྗོད་ཕྱིར་ལེན་བྱས་ནས་བྱ་སྤྱོད་དངོས་ཀྱི་ཐོག་ནས་སྐད་ཆ་ཤོད་རེས་ཀྱི་ལྷག་བསམ་མངོན་པའི་རེ་བ་ཡོད་ཅེས་ནན་བཤད་གནང་བ་རེད།