གསར་འགྱུར་སྤེལ་དུས། 【2025ལོའི་ཟླ་ 03ཚེས་31ཉིན། 14:33】 ཡོང་ཁུངས།:མི་དམངས་ཉིན་རེའི་ཚགས་པར། (རྩོམ་སྒྲིག་འགན་འཁུར་པ། མཁའ་འགྲོ།)
ཉེ་ཆར། 2025ལོར་དམག་དོན་སྡེ་ཁག་མིན་པ་ནས་ཅུན་ཧྲི་བསྡུ་བའི་མིང་ཐོ་སྔོན་འགོད་ཀྱི་བགྲོད་ལམ་འགོ་ཚུགས་ཡོད། འདུན་པ་ཡོད་མཁན་གཞོན་ནུ་ཚོས་མགྱོགས་པོར་མིང་ཐོ་སྔོན་འགོད་ཀྱིས།
གཅིག བསྡུ་ལེན་བྱ་ཡུལ།
མཐོ་རིམ་སློབ་གྲྭ་དཀྱུས་མའི་ཉིན་གང་ལམ་ལུགས་ཀྱི་སློབ་ཐོན་སློབ་མ་དང་། སྐབས་སྔོན་མའི་སློབ་ཐོན་སློབ་མ་ཡིན་ཞིང་། སྦྱངས་པའི་ཆེད་ལས་དེ་དམག་དཔུང་གི་ཆེད་ལས་དགོས་མཁོ་དང་མཐུན་པ། ལོ་24ལས་བརྒལ་མེད་པ།(2001ལོའི་ཟླ་1ཚེས་1ཉིན་གྱི་རྗེས་སུ་སྐྱེས་པ་ཡིན།)ཉིན་གང་ལམ་ལུགས་ཀྱི་ཞིབ་འཇུག་སློབ་མའི་སློབ་ཐོན་སློབ་མའི་ལོ་ན་ལོ་26བར་ལྷོད་དུ་བཏང་ཡོད། སྦྱངས་པའི་ཆེད་ལས་སློབ་སྦྱོང་བྱེད་པའི་མཐོ་རིམ་སློབ་གྲྭ་དཀྱུས་མའི་ལས་རིགས་རྩལ་ནུས་གསལ་འབྱེད་བྱས་ཟིན་ན། འབྲིང་རིམ་ཡན་གྱི་ལས་རིགས་ཐོབ་ཐང་ལག་ཁྱེར་ཡོད་དགོས།
གཉིས། བསྡུ་བའི་ཆེད་ལས།
བསྡོམས་རྩིས་རགས་ཙམ་བྱས་པ་ལྟར་ན། 2025ལོར་ཐད་ཀར་བསྡུ་བའི་ཅུན་ཧྲི་ནི་འགྲོ་ལམ་སྐྱེལ་འདྲེན་དང་། རླངས་འཁོར་བཟོ་སྐྲུན། གློག་རྡུལ་ཆ་འཕྲིན། འཕྲིན་གཏོང་། རྩིས་འཁོར། འཕྲུལ་གློག་སྒྲིག་ཆས། འཕྲུལ་ཆས། སྨན་རྫས་སོགས་དམག་དམངས་ཀུན་སྤྱོད་ཆེད་ལས་400ལྷག་ཙམ་དང་འབྲེལ་བ་ཡོད།
གསུམ། བསྡུ་ལེན་བྱ་བའི་གོ་རིམ།
1.ཟླ་3ཚེས་18ཉིན་ནས་བཟུང་། དམག་སྐུལ་དང་བླངས་གཞོན་ནུ་རྣམས་ཀྱིས་དྲ་ཐོག་ནས་མིང་ཐོ་སྔོན་འགོད་བྱས་ཆོག
2.ཟླ་6ནས་ཟླ་7བར། རྒྱལ་སྲུང་པུའི་དམག་བསྡུ་གཞུང་ལས་ཁང་གིས་དཔུང་སྡེའི་བསྡུ་ལེན་དགོས་མཁོར་གཞིགས་ནས། དྲ་ཐོག་ནས་མིང་ཐོ་སྔོན་འགོད་ཀྱི་གནས་ཚུལ་དང་ཟུང་འབྲེལ་བྱས་ནས་ཞིང་ཆེན་ཁག་(རང་སྐྱོང་ལྗོངས་དང་ཐད་སྐྱོང་གྲོང་ཁྱེར་)ལ་བསྡུ་རྒྱུའི་ལས་འགན་སྤྲོད་རྒྱུ་རེད། དམག་སྐུལ་དང་བླངས་གཞོན་ནུ་ཚོས་སྦྱངས་པའི་ཆེད་ལས་དེ་2025ལོའི་ཞིང་ཆེན་རིམ་པའི་དམག་དཔོན་བསྡུ་ལེན་གྱི་ཆེད་ལས་ཁྱབ་ཁོངས་དང་མཐུན་མིན་འདྲི་རྩད་བྱས་ཆོག
3.དྲ་ཐོག་ནས་མིང་ཐོ་འགོད་པའི་དུས་ཚོད་ནི་རྩ་དོན་ཐོག་ཟླ་8ཚེས་1ཉིན་བར་ཡིན། ལུས་ཕུང་བརྟག་དཔྱད་དང་ཆབ་སྲིད་དཔྱད་ཞིབ་དུས་ཚོད་དེ་ཞིང་ཆེན་རིམ་པ་མན་གྱི་དམག་བསྡུ་གཞུང་ལས་ཁང་གིས་རང་འགུལ་ངང་བཀོད་སྒྲིག་བྱེད་དགོས།
བཞི། མིང་ཐོ་འགོད་སྐབས་ཀྱི་ངེས་ཤེས།
(གཅིག)གཞི་རྩའི་ཆ་རྐྱེན།
1.གཟུགས་པོའི་རིང་ཚད་160cmཡན་ཡིན་པ། 2.མིག་རྗེན་གྱི་མིག་ཤེད་4.5ཡན་དང་། 3.ལུས་པོའི་ལྗིད་ཚད་གཤམ་གསལ་གྱི་ཆ་རྐྱེན་དང་མཐུན་པ་མ་ཟད། གསུས་སྟོང་ཁྲག་མངར་<7.0mmol/Lཡིན་རིགས་ཚད་མཐུན་ཡིན།
(1)སྐྱེས་པ་ནི། 17.5≤BMI<30དང་། དེའི་ནང་17.5≤སྐྱེས་པའི་ལུས་ཕུང་ཆ་རྐྱེན་གྱི་དམག། BMI<27ཡིན་དགོས།
(2)BMI≥28ཡིན་རིགས་ཀྱིས་ངེས་པར་དུ་ཁྲག་གི་མངར་འགྱུར་ཁྲག་དམར་སྤྲི་དཀར་གྱི་ཞིབ་བཤེར་རྣམ་གྲངས་སྣོན་བཤེར་བྱེད་དགོས། མངར་འགྱུར་ཁྲག་དམར་སྤྲི་དཀར་གྱི་བརྒྱ་ཆའི་བསྡུར་ཚད<6.5%ཡིན་རིགས་ཚད་མཐུན་ཡིན།
4.གཤམ་གསལ་གྱི་གནས་ཚུལ་ཡོད་མཁན་གྱིས་མིང་ཐོ་མ་འགོད།
(1)ངོ་དང་སྐེ་ལ་བརྩགས་པའི་རི་མོའམ་རྨ་ཤུལ་གྱི་ཚངས་ཐིག་3cmལས་བརྒལ་བ་དང་། ཆགས་སྲེད་དང་། གཏུམ་སྤྱོད་དང་ཁྲིམས་འགལ་རྩ་འཛུགས་ཀྱི་མཚོན་རྟགས་སོགས་བྲིས་རིགས།
(2)ཁྲིམས་འགལ་ཉེས་གསོག་གི་ཟིན་ཐོ་ཡོད་རིགས།
(3)ལུས་ཁམས་ལ་ཞན་ཆ་ཚབས་ཆེན་ཡོད་པའམ་ཡང་ན་དབང་པོ་སྐྱོན་ཅན་ཚབས་ཆེན་ཡིན་རིགས།
(4)སྨྱོ་ནད་རིགས་ཀྱི་ནད་རིགས་དང་། ཨེ་ཙི་ནད་དང་དེའི་ནད་དུག་ཁྱེར་མཁན། ངན་སྐྲན་དང་དབང་རྩའི་མ་ལག་གི་ནད་རིགས་སོགས་ཀྱི་ནད་རིགས་ཚབས་ཆེན་ཕོག་པ། ཞིབ་ཕྲའི་ཚད་གཞི་དང་ཆ་རྐྱེན་ནི《དམག་བསྡུ་དང་ལེན་སྤྱི་དམངས་ཀྱི་ལུས་ཕུང་ཞིབ་བཤེར་ཚད་གཞི》དང《དམག་དཔུང་བསྡུ་ལེན་དང་བསྡུ་ལེན་མི་སྣའི་ཆབ་སྲིད་དཔྱད་ཞིབ་གཏན་འབེབས་》དང་དེ་བཞིན་འབྲེལ་ཡོད་གཏན་འབེབས་བཅས་ཚད་གཞིར་འཛིན་དགོས།
(གཉིས།) དོ་སྣང་བྱ་ཡུལ།
1.ད་ལོའི་ཐད་ཀར་བསྡུ་བའི་ཅུན་ཧྲིའི་ལུས་ཕུང་ཞིབ་བཤེར་དང་ཆབ་སྲིད་དཔྱད་ཞིབ་སོགས་ཀྱི་ལས་ཀ་ཟླ་8ཚེས་1ཉིན་ནས་འགོ་ཚུགས་པ་དང་། ཟླ་9ཚེས་30ཉིན་མཇུག་བསྒྲིལ་རྒྱུ་རེད། དུས་ཚོད་བཀོད་སྒྲིག་ཞིབ་ཕྲ་བྱེད་སྐབས་དམག་བསྡུ་དང་ལེན་བྱེད་སའི་དམག་ཞབས་ལས་ཁུངས་ལ་བློ་འདྲི་གནང་རོགས།
2.དྲ་ཐོག་ནས་མིང་ཐོ་བཀོད་རྗེས། དྲ་ཐོག་ནས་ཞིབ་བཤེར་བྱས་པའི་སྡོམ་ཚིག་ལ་དོ་ཁུར་དམ་ཟབ་བྱས་ནས། བསྡུ་དགོས་པའི་མིང་ཐོ་བཀོད་པའི་འཕེལ་རིམ་གནས་ཚུལ་རྗེས་འདེད་ཁོང་དུ་ཆུད་པ་དང་། འཕྲིན་གཏོང་དང་འབྲེལ་གཏུག་བདེ་བླག་ཡོང་བ་རྒྱུན་འཁྱོངས་བྱས་ཏེ་དམག་བསྡུ་དང་ལེན་བྱེད་སའི་དམག་ཞབས་ལས་ཁུངས་ཀྱི་བརྡ་ཐོ་ལྟར་བསྡུ་དགོས་པའི་བླང་བྱ་ལྟར་ཞུགས་དགོས།
3.དམག་བསྡུ་དང་ལེན་བྱེད་སས་ཆེད་ལས་དང་འཆར་གཞིའི་ཚོད་འཛིན་དང་བསྟུན་ནས་ཅུན་ཧྲི་ཐད་ཀར་བསྡུ་ལེན་བྱས་ནས་ཞིབ་བཤེར་བྱ་ཡུལ་དུ་གཏན་ཁེལ་མ་ཐུབ་ཚེ། ད་དུང་དམག་བསྡུ་དང་ལེན་བྱེད་ས་བསྡུ་ལེན་བྱེད་དགོས་པའི་དམག་ཞབས་ལས་ཁུངས་ཀྱི་བཀོད་སྒྲིག་ལྟར་འོས་འགན་དམག་བསྡུ་ལེན་ནང་ཞུགས་ཆོག
ལྔ། ཐད་ཀར་བསྡུ་བའི་ཅུན་ཧྲི་དམག་སྐུལ་དང་ལེན་གྱི་འཕེལ་རིམ་གནས་ཚུལ་འདྲི་རྩད་བྱས་ནས། མིང་ཐོ་བཀོད་ནས་དྲ་ཐོག་ཞིབ་བཤེར་བྱས་པ་བརྒྱུད་ཡོད་པས། དྲ་ཐོག་ཞིབ་བཤེར་བསྡོམས་ཚིག་ལ་དོ་སྣང་ཆེན་པོ་བྱས་ཏེ་བསྡུ་ལེན་སྙན་ཞུའི་འཕེལ་རིམ་གནས་ཚུལ་རྗེས་འདེད་ཁོང་དུ་ཆུད་པ་དང་། འཕྲིན་གཏོང་འབྲེལ་གཏུག་བདེ་བླག་ཡོང་བ་རྒྱུན་འཁྱོངས་བྱས་ཏེ། དམག་སྐུལ་དང་ལེན་བྱེད་སའི་དམག་ཞབས་ལས་ཁུངས་ཀྱི་བརྡ་ཐོ་དང་བླང་བྱ་ལྟར་བསྡུ་ལེན་ནང་ཞུགས་རོགས།
རྒྱལ་ཡོངས་དམག་བསྡུ་དྲ་ཚུགས(https://www.gfbzb.gov.cn/)སུ་ཐོ་འགོད་བྱས་ནས། མིང་ཐོ་འགོད་ཆོག་པ་མ་ཟད། ཆ་འཕྲིན་དེ་བས་མང་བ་འདྲི་རྩད་བྱས་ཆོག