གསར་འགྱུར་སྤེལ་དུས། 【2025ལོའི་ཟླ་ 03ཚེས་20ཉིན། 15:54】 ཡོང་ཁུངས།:མི་དམངས་དྲ་བ། (རྩོམ་སྒྲིག་འགན་འཁུར་པ། རྟ་མགྲིན།)
ཁུན་མིང་གྲོང་ཁྱེར་སྡོད་ཁང་སྤྱི་གསོག་མ་དངུལ་དོ་དམ་ལྟེ་གནས་ཀྱི་གནས་འཕྲིན་ལ་གཞིགས་ན། སྡོད་ཁང་སྤྱི་གསོག་མ་དངུལ་མི་སྒེར་གྱི་སྡོད་ཁང་དངུལ་བུན་ཞབས་ཞུའི་ལས་དོན་སྔར་ལས་ཡག་པོ་བསྒྲུབས་ནས་འཇལ་བཅོལ་བྱེད་མཁན་གྱི་དགོས་ངེས་རང་བཞིན་དང་ལེགས་བཅོས་རང་བཞིན་གྱི་སྡོད་ཁང་དགོས་མཁོ་དེ་བས་ལེགས་པའི་སྒོ་ནས་སྐོང་ཆེད། ཁུན་མིང་གྲོང་ཁྱེར་སྡོད་ཁང་སྤྱི་གསོག་མ་དངུལ་དོ་དམ་ཨུ་ཡོན་ལྷན་ཁང་སྐབས་ལྔ་པས་གྲོས་ཞིབ་བྱས་ནས་གྲོས་འཆམ་བྱུང་བ་བརྒྱུད། ད་ལྟ་སྡོད་ཁང་སྤྱི་གསོག་མ་དངུལ་མི་སྒེར་གྱི་སྡོད་ཁང་དངུལ་བུན་གཡར་མཁན་གྱི་ལོ་ཚད་མཐོ་ཤོས་ལེགས་སྒྲིག་བྱ་རྒྱུའི་འབྲེལ་ཡོད་དོན་ཚན་བརྡ་ཐོ་གཏོང་རྒྱུ་གཤམ་གསལ་ལྟར།
དངུལ་བཅོལ་མཁན་གྱིས་སྡོད་ཁང་སྤྱི་གསོག་མ་དངུལ་གྱི་མི་སྒེར་གྱི་སྡོད་ཁང་དངུལ་བུན་བསྐྱི་རྒྱུའི་རེ་ཞུ་བྱས་ཚེ། དངུལ་བུན་བསྐྱི་ཡུན་ཐིམ་པའི་ཉིན་དེ་ཁྲིམས་བཀོད་ལས་འཁྱུར་ངལ་གསོའི་རྗེས་ཀྱི་ལོ་5་ལས་མི་བརྒལ་བ་སྟེ། སྐྱེས་པ་ལོ་68ལས་མི་བརྒལ་བ་དང་བུད་མེད་ལོ་63ལས་མི་བརྒལ་བ་དང་། དངུལ་བུན་བསྐྱི་ཡུན་རིང་ཤོས་ལོ་30ཡིན།
བརྡ་ཐོ་འདི་2025ལོའི་ཟླ་3ཚེས་24ཉིན་ནས་བཟུང་ལག་བསྟར་བྱ་རྒྱུ་རེད། 2025ལོའི་ཟླ་3ཚེས་24ཉིན་གྱི་གོང་དུ《སྡོད་ཁང་སྤྱི་གསོག་མ་དངུལ་གྱི་མི་སྒེར་གྱི་སྡོད་ཁང་དངུལ་བུན་བསྐྱི་བའི་གན་རྒྱ》བཞག་པའི་དངུལ་བུན་དེ་དེ་སྔའི་གཏན་འབེབས་ལྟར་ལག་བསྟར་བྱ་རྒྱུ་རེད།