༄༅།།ནི་ཀྲེར་རྩ་འཛུཊ་འདི་ནས་ཕྱིར་འཐེན་བྱ་རྒྱུ་རེད།

ཟླ་3ཚེས་17ཉིན་གྱི་ནི་ཀྲེར་ཕྱི་འབྲེལ་པུའི་གཟིགས་མཁྱེན་སྤྲིངས་ཡིག་གཞིར་བཟུང་། ནི་ཀྲེར་སྲིད་གཞུང་གིས་ཧྥ་རན་སིའི་སྐད་ཀྱི་རྒྱལ་ཁབ་དང་ས་ཁུལ་གྱི་རྒྱལ་སྤྱིའི་རྩ་འཛུགས་ནས་ཕྱིར་འཐེན་བྱ་རྒྱུའི་ཐག་བཅད་པ་མ་ཟད། བརྡ་ཐོ་དེ་ནི་ཀྲེར་གྱི་ཕྱི་རྒྱལ་གཞུང་ཚབ་ཁང་དང་གཞུང་ཚབ་དོན་གཅོད་ཁང་ཁག་ཏུ་བཏང་།

ཧྥ་རན་སིའི་སྨྱན་སྦྱོར་དུ་གནས་འཕྲིན་སྤེལ་བར་གཞིགས་ན། ས་ཧེ་ལེ་རྒྱལ་ཁབ་མཉམ་འབྲེལ་གྱི་ཁོངས་མི་ཡིན་པའི་པུའུ་ཅི་ན་ཧྥ་སོ་ཡིས་ཀྱང་རྩ་འཛུགས་དེ་ནས་ཕྱིར་འཐེན་བྱ་རྒྱུའི་ཐག་བཅད་པ་རེད།

2023ལོའི་ཟླ་7པར། ནི་ཀྲེར་ལ་དམག་དོན་སྲིད་འགྱུར་བྱུང་། ལོ་དེའི་ཟླ་12པར་ཧྥ་རན་སིའི་སྐད་ཀྱི་རྒྱལ་ཁབ་རྩ་འཛུགས་ཀྱིས་གྲོས་ཆོད་ལ་གྲོས་འཆམ་བྱས་ཏེ། ནི་ཀྲེར་གྱི་རྩ་འཛུགས་དེའི་ཚོགས་མིའི་ཐོབ་ཐང་གནས་སྐབས་མཚམས་འཇོག་བྱས་པ་རེད། དེར་རྒོལ་ལན་བསློག་ཆེད། ནི་ཀྲེར་གྱིས་ཧྥ་རན་སིའི་སྐད་ཀྱི་རྒྱལ་ཁབ་རྩ་འཛུགས་དང་རྣམ་པ་ཡོད་ཚད་ཀྱི་མཉམ་འབྲེལ་མཚམས་འཇོག་རྒྱུའི་ཐག་བཅད།

1970ལོའི་ཟླ་3པར། ཧྥ་རན་སིའི་སྐད་ཀྱི་རྒྱལ་ཁབ་21གིས་ནི་ཀྲེར་རྒྱལ་ས་ཉི་ཡ་མེ་རུ་འཚོགས་པའི་ཚོགས་འདུའི་ཐོག་རིག་གནས་ལག་རྩལ་མཉམ་ལས་ཅུས་འཛུགས་རྒྱུའི་རྩ་ཁྲིམས་ལ་མིང་རྟགས་བཀོད་པ་དེས་ཧྥ་རན་སིའི་སྐད་ཀྱི་རྒྱལ་ཁབ་རྩ་འཛུགས་བཙུགས་པ་མཚོན་ཡོད།