༄༅།།༄༅།།རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་གསར་འགྱུར་ཡོངས་བསྒྲགས་ཚོགས་འདུའི་ཐོག
མགྲིན་ཚབ་པས་DeepSeekལ་བསྟོད་པ་བྱས། 

    དེ་རིང་(ཚེས་4ཉིན)རྒྱལ་ཡོངས་མི་དམངས་འཐུས་ཚོགས་སྐབས་བཅུ་བཞི་པའི་ཚོགས་འདུ་ཐེངས་གསུམ་པའི་ཐོག་མི་དམངས་ཚོགས་ཁང་ཆེན་མོར་གསར་འགྱུར་ཡོངས་བསྒྲགས་ཚོགས་འདུ་འཚོགས་པ་དང་། ཚོགས་ཆེན་གྱི་མགྲིན་ཚབ་པ་ལོའུ་ཆིན་ཆན་གྱིས་ཚོགས་ཆེན་གྱི་གྲོས་རིམ་དང་མི་དམངས་འཐུས་ཚོགས་ཀྱི་ལས་དོན་དང་འབྲེལ་བ་ཡོད་པའི་གནད་དོན་ཐད་ཀྲུང་གོ་དང་ཕྱི་རྒྱལ་གྱི་གསར་འགོད་པའི་དྲི་བར་ལན་བཏབ།

    མིས་བཟོས་རིག་ནུས་འཕེལ་རྒྱས་ཀྱི་འབྲེལ་ཡོད་གནད་དོན་ལ་ལན་འདེབས་སྐབས། ལོའུ་ཆིན་ཅན་གྱིས་DeepSeekཀུང་སིར་ཐོབ་པའི་འཕེལ་རྒྱས་གལ་ཆེན་ནི་མིས་བཟོས་རིག་ནུས་ཁྱབ་ཁོངས་སུ་ཀྲུང་གོའི་ཀུང་སི་ཁག་གཅིག་དར་རྒྱས་བྱུང་བ་མཚོན་གྱིན་ཡོད། གཞོན་ནུ་དར་མ་ལས་གྲུབ་པའི་གསར་གཏོད་གཙོ་ཚོགས་པས་ཀྲུང་གོའི་ཚན་རྩལ་བྱ་གཞག་ཡར་རྒྱས་ཡོང་བའི་རྐང་རྩེད་པ་བྱེད་བཞིན་ཡོད་པས་བསྔགས་བརྗོད་བྱེད་འོས་པ་ཞིག་རེད། DeepSeekཀུང་སིས་སྒོ་འབྱེད་དང་སྒོ་འབྱེད་ཀྱི་ལག་རྩལ་ལམ་ཐིག་མཐའ་འཁྱོངས་བྱས་ནས་སྒོ་འབྱེད་མཉམ་སྤྱོད་བྱས་པས་མིས་བཟོས་རིག་ནུས་ལག་རྩལ་གོ་ལ་ཧྲིལ་པོར་ཡོངས་ཁྱབ་ཏུ་བཀོལ་སྤྱོད་བྱེད་པར་སྐུལ་འདེད་བཏང་བ་དང་འཛམ་གླིང་ལ་ཀྲུང་གོའི་བློ་གྲོས་ལེགས་སྐྱེས་ཕུལ་ཡོད།

    DeepSeekཀུང་སི་དེ་རིགས་དར་རྒྱས་བྱུང་བ་བརྒྱུད། ང་ཚོས་ཀྲུང་གོའི་ཚན་རྩལ་འཕེལ་རྒྱས་ཐད་ཀྱི་གསར་གཏོད་རང་བཞིན་དང་བསྟུན་མཁས་རང་བཞིན་མཐོང་ཐུབ། ལོའུ་ཆིན་ཅན་གྱིས་ཀྲུང་གོས་ཁྲིམས་ལྟར་གྲངས་གཞིའི་གསང་དོན་དང་བདེ་འཇགས་སྲུང་སྐྱོང་བྱེད་པ་དང་ཆབས་ཅིག་རྒྱལ་ཁབ་བདེ་འཇགས་ཀྱི་གོ་དོན་ཁྱབ་འགྱེད་ལ་ངོ་རྒོལ་དང་དཔལ་འབྱོར་ཚོང་དོན་ཚན་རྩལ་གནད་དོན་ཆབ་སྲིད་ཅན་དུ་འགྱུར་བར་ངོ་རྒོལ་བྱེད་ཀྱིན་ཡོད། ཀྲུང་གོ་ཕྱོགས་ཀྱིས《གོ་ལ་ཧྲིལ་པོའི་མིས་བཟོས་རིག་ནུས་བཅོས་སྐྱོང་གྲོས་འགོ》བཏོན་ནས་ཚན་རྩལ་གྱི་ཧེ་བག་སེལ་རྒྱུར་སྐུལ་འདེད་བཏང་ནས། ཚན་རྩལ་གསར་གཏོད་དེ་རྒྱལ་ཁབ་ཕྱུག་པོ་དང་ཕྱུག་པོའི་རོལ་རྩེད་དུ་འགྱུར་རྒྱུ་སྔོན་འགོག་བྱེད་ཀྱིན་ཡོད། ཀྲུང་གོ་ཕྱོགས་ཀྱིས་འཛམ་གླིང་གི་རྒྱལ་ཁབ་ཁག་དང་མཉམ་དུ་མིས་བཟོས་རིག་ནུས་སྐྱོན་བྲལ་ངང་འཕེལ་རྒྱས་འགྲོ་རྒྱུར་མུ་མཐུད་སྐུལ་འདེད་གཏོང་བ་དང་།འཛམ་གླིང་དཔལ་འབྱོར་འཕར་རྒྱུར་སྐུལ་འདེད་གཏོང་བ།རྒྱལ་ཁབ་ཁག་གི་མི་དམངས་ཀྱི་བདེ་སྐྱིད་ཆེ་རུ་གཏོང་ཆེད་འབད་བརྩོན་བྱེད་འདོད་ཡོད།