༄༅།།རྨ་ཆུའི་ཆུ་དང་བྱེ་མ་ཚོད་འཛིན་ལ་ཚད་བརྒལ་གསར་པ་བྱུང་བ།

    འདི་ག་ཚགས་པར་ཁང་དུ་པེ་ཅིང་ནས་ཟླ་1ཚེས་21ཉིན་གློག་འཕྲིན་འབྱོར་གསལ། གསར་འགོད་པས་ཆུ་བེད་པུའུ་རྨ་ཆུ་ཆུ་བེད་ཨུ་ལྷན་ནས་ཤེས་རྟོགས་བྱས་པར། 2024ལོར་རྨ་ཆུའི་ཆུ་དང་བྱེ་མ་ཚོད་འཛིན་ལ་ཚད་བརྒལ་གསར་པ་བྱུང་ཞིང་། འབྲུབ་ཆུ་རྒྱས་དུས་ཆུ་དང་བྱེ་མ་ཚོད་འཛིན་ཐེངས་གསུམ་དང་སྟོད་རྒྱུད་དང་དབུས་རྒྱུད་ཀྱི་ཆུ་མཛོད་གཙོ་བོས་མཉམ་འབྲེལ་ཐོག་བྱེ་མ་འབུད་པར་རིམ་རྩིས་བརྒྱབ་ན་བྱེ་མ་ཏུན་དུང་ཕྱུར་5.77འབུད་ཡོད། ས་ཁོངས་རང་བཞིན་གྱི་ཆར་པ་ཆེན་པོ་འབབ་ཐེངས་20དང་ཆུ་བོ་27གྱི་ཆུ་ལོག་ཆེན་པོ་ཐེངས་55ལ་ཁ་གཏད་ནུས་ལྡན་བཅག་པ་དང་། འཕྲལ་སྡོམ་ཐན་འགོག་དང་ཆུ་འདྲེན་འགན་ལེན་གྱི་ཚོད་འཛིན་གནད་ལ་འཁེལ་པོས་ལག་བསྟར་བྱས་ཏེ་འབབ་རྒྱུད་ས་ཆ་ཁག་གཅིག་གི་ཐན་སྐྱོན་ཚབས་ཆེན་ལ་ཁ་གཏད་ནུས་ལྡན་བཅག་ཡོད་པ་རེད།

   2024ལོར་རྨ་ཆུ་སྲུང་སྐྱོང་བཅའ་ཁྲིམས་ལག་བསྟར་བྱས་ནས་ཕན་ནུས་ཐོན་ཞིང་། ཁྲིམས་ལྟར་ཆུ་བོ་བཅོས་སྐྱོང་དང་དོ་དམ་བྱེད་པའི་རྣམ་པ་རྒྱུན་ཆད་མེད་པར་འཐུས་སྒོ་ཚང་དུ་ཕྱིན་པ་དང་། འབབ་རྒྱུད་བཅོས་སྐྱོང་དང་དོ་དམ་གྱི་ཕན་ནུས་མངོན་གསལ་དོད་པོས་ཆེ་རུ་ཕྱིན་པ། ཆུའི་ཐོན་ཁུངས་གྲོན་ཆུང་དང་ལེགས་བསྡུས་ཞིབ་གཉེར་དང་བེད་སྤྱོད་ཀྱི་ཆུ་ཚད་རྒྱུན་མཐུད་མཐོ་རུ་ཕྱིན་པ། ཆུ་བོ་དང་། མཚོ། ཆུ་མཛོད་བཅས་ཀྱི་སྐྱེ་ཁམས་ཁོར་ཡུག་རྒྱུན་མཐུད་ལེགས་སུ་ཕྱིན་ཡོད། རྨ་ཆུ་ལོ་25བསྟུད་མར་རྒྱུན་ཆད་མེད་པར་བཞུར་བ་དང་ཅུས་ཡན་རྒྱ་མཚོ་ཤར་མ་ལོ་20བསྟུད་མར་སྐམ་མེད་པ་རེད།