༄༅།།དཔྱིད་གསར་དུས་ཆེན་གྱི་གུང་གསེང་རིང་འགྲུལ་སྐྱེལ་རླངས་འཁོར་ཆུང་གྲས་ལ་མྱུར་བགྲོད་གཞུང་ལམ་གྱི་ལམ་རིན་བསྡུ་རྒྱུ་མིན་པ།

    འདི་ག་ཚགས་པར་ཁང་དུ་པེ་ཅིང་ནས་ཟླ་1ཚེས་21ཉིན་གློག་འཕྲིན་འབྱོར་གསལ། ཚེས་21ཉིན་གསར་འགོད་པར་འགྲིམ་འགྲུལ་སྐྱེལ་འདྲེན་པུའུ་ནས་ཤེས་རྟོགས་བྱུང་བར། 2025ལོའི་དཔྱིད་གསར་དུས་ཆེན་གྱི་གུང་གསེང་རིང་འགྲུལ་སྐྱེལ་རླངས་འཁོར་ཆུང་གྲས་ལ་མྱུར་བགྲོད་གཞུང་ལམ་གྱི་ལམ་རིན་བསྡུ་རྒྱུ་མིན་པ་དང་། ལམ་རིན་མི་བསྡུ་བའི་དུས་ཚོད་ནི་ཟླ་1ཚེས་28ཉིན(ལོ་གསར་གནམ་གང)ཆུ་ཚོད་00:00ནས་ཟླ་2ཚེས་4ཉིན་གྱི་ཆུ་ཚོད་24:00བར་བསྡོམས་ཉིན་8ཡིན་པ་རེད།

    འགྲིམ་འགྲུལ་སྐྱེལ་འདྲེན་པུའི་འབྲེལ་ཡོད་འགན་འཁུར་བས་མྱུར་བགྲོད་གཞུང་ལམ་དུ་རིན་མེད་ངང་འགྲོ་སྐྱོད་བྱེད་པར་རླངས་འཁོར་གྲོན་བསྡུའི་འཁོར་ལམ་ནས་ཁ་བྲལ་བའི་དུས་ཚོད་གཞིར་འཛིན་དགོས། གུང་གསེང་མཇུག་འགྲིལ་ཉེའི་སྐབས་གལ་ཏེ་རླངས་འཁོར་སྐྱོད་པའི་དུས་ཚོད་དེ་རིན་མེད་དུས་མཚམས་ཀྱི་མཚམས་འཇོག་དུས་ཚོད་ལས་ཡོལ་གྲབས་ཡོད་པ་དང་དམིགས་སར་ད་དུང་སླེབས་མེད་ཚེ་ཉེ་འགྲམ་གྱི་རིན་བསྡུའི་ས་ཚིགས་བརྒྱུད་སྔོན་ལ་མྱུར་བགྲོད་གཞུང་ལམ་ནས་དོན་ན་འགྲིག དེ་ལྟར་བྱས་ན་དེ་གོང་གི་འགྲོ་སྐྱོད་ལ་ལམ་རིན་སྤྲོད་མི་དགོས་པའི་སྲིད་ཇུས་ལོངས་སུ་སྤྱོད་ཐུབ། དེ་རྗེས་ཉེ་འགྲམ་གྱི་མྱུར་བགྲོད་གཞུང་ལམ་ནས་དམིགས་སར་བསྐྱོད་ཚེ་འགྲོ་སྐྱོད་ལྷག་མའི་ལམ་རིན་ཉུང་ཤས་ཤིག་ལས་སྤྲོད་དགོས་ཀྱི་མེད་ཅེས་དྲན་སྐུལ་བྱས་པ་རེད།

    སྔོན་དཔག་བྱས་པར་གཞིགས་ན། འདི་ལོའི་དཔྱིད་གསར་སྐྱེལ་འདྲེན་རིང་འཁོར་ཁྲིད་ཕྱིར་སྐྱོད་ཀྱིས་མུ་མཐུད་བྱེད་པོའི་གནས་བབ་བཟུང་བ་དང་སྔོན་དཔག་བྱས་ན་མི་ཐེངས་དུང་ཕྱུར་72ཟིན་རྒྱུ་ཡིན་པ་དེས་སྤྱི་ཚོགས་ཡོངས་ཀྱི་ས་ཁོངས་ལས་སྒྲོལ་བའི་མི་སྣ་སྐོར་སྐྱོད་བྱེད་ཚད་ཀྱི་བཅུ་ཆ་བརྒྱད་ཙམ་ཟིན་རྒྱུ་རེད། དེའི་ནང་ནུས་རྒྱུ་གསར་པའི་རླངས་འཁོར་རྒྱུག་ཚད་ཀྱིས་སྔོན་དཔག་བྱས་ན་སྤྱིའི་འཁོར་རིགས་རྒྱུག་ཚད་ཀྱི་ཉིན་རེའི་ཆ་སྙོམས་གྲངས་ཐང་གི་19%ཙམ་ཟིན་ནས་ན་ནིང་གི་དུས་མཚུངས་ལས་ཆེས་ཆེར་འཕར་རྒྱུ་ཡིན་པ་རེད།