༄༅།།དིང་རིའི་མ་འོངས་ཉིན་གསུམ་གྱི་དྲོད་ཚད་དམའ་ཤོས་-18℃ནས-14℃ཡིན། 

    ཟླ་1ཚེས་7ཉིན། དེ་རིང་ཆུ་ཚོད་9དང་སྐར་མ་5ཡི་ཐོག་བོད་ལྗོངས་གཞིས་ཀ་རྩེ་གྲོང་ཁྱེར་དིང་རི་རྫོང་དུ་ས་ཡོམ་རིམ་པ་6.8བྱུང་ནས། མི་ཤི་རྨས་ཚབས་ཆེན་བཟོས་པ་དང་ཁང་པ་འབོར་ཆེན་རྡིབ་ཡོད།

    ཀྲུང་གོ་གནམ་གཤིས་ཅུས་ནས་གནས་འཕྲིན་སྤེལ་བར་གཞིགས་ན། ཕྱོགས་བསྡུས་ཞིབ་དཔྱད་བྱས་པ་བརྒྱུད། ཀྲུང་གོ་གནམ་གཤིས་ཅུས་ཀྱིས་ཚེས་7ཉིན་ཆུ་ཚོད་15པར་ས་ཡོམ་གནོད་འཚེའི་གནམ་གཤིས་ཞབས་ཞུའི་འཕྲལ་བསྟུན་རིམ་པ་གསུམ་པ་དེ་རིམ་པ་གཉིས་པར་ཇེ་མཐོར་བཏང་བ་དང་། བོད་རང་སྐྱོང་ལྗོངས་གནམ་གཤིས་ཅུས་ཀྱིས་དོན་དངོས་ཀྱི་ཞིབ་དཔྱད་ལ་གཞིགས་ནས་དེ་མཚུངས་ཀྱི་འཕྲལ་བསྟུན་གནས་ཚུལ་ལེགས་སྒྲིག་བྱས།

   སྔོན་དཔག་བྱས་ན། མ་འོངས་པའི་ཉིན་གསུམ（ཟླ་1ཚེས་7ནས་ཚེས་9བར）དིང་རི་རྫོང་དུ་གནམ་ངོ་དྭངས་ཤིང་། དྲོད་ཚད་དམའ་ཤོས་-18℃ནས་-14℃བར་དང་། དྲོད་ཚད་མཐོ་ཤོས་-0℃ནས་7℃བར་ཡིན་པ་རེད།

    གནམ་གཤིས་རིགས་གཅིག་མཁས་ཅན་གྱིས་ཉེ་དུས་ཡོམ་ཁུལ་གྱི་དྲོད་ཚད་ཅུང་དམའ་བ་དང་། གྲང་ངར་ཆེ་བ། སྨུག་ཕྱིའི་སྨུག་ཐིག་གི་དྲག་ཚད་མཐོ་བ་བཅས་དང་། གེགས་སེལ་དང་གེགས་གཡོལ་མི་སྣས་གྲང་འགོག་དྲོད་སྲུང་བྱེད་ཐབས་ཡག་པོ་བྱས་ཏེ་མིའི་ལུས་པོའི་དྲོད་ཚད་ཤོར་བའི་གནས་ཚུལ་འབྱུང་བར་སྔོན་འགོག་བྱ་དགོས། འཕྲལ་སྡོམ་གུར་ནང་དུ་དྲོད་ལེན་བྱེད་པར་བདེ་འཇགས་ལ་དོ་སྣང་བྱེད་དགོས་པ་དང་མེ་སྤྱོད་སྐབས་དབྱང་གཅིག་ཐཱན་རྫས་ཀྱི་དུག་ཕོག་པར་སྔོན་འགོག་བྱེད་དགོས།