༄༅།།ན་ནིང་གི་ཟླ་དང་པོ་ནས་བཅུ་གཅིག་པའི་བར་རང་རྒྱལ་གྱི་མཉེན་ཆས་ལས་རིགས་ཀྱི་ཡོང་འབབ་དུས་མཚུངས་ལས་10.7%འཕར་བ།

   འདི་ག་ཚགས་པར་ཁང་པེ་ཅིང་ནས་ཟླ་1ཚེས་2ཉིན་གློག་འཕྲིན་འབྱོར་གསལ། གསར་འགོད་པས་བཟོ་ལས་དང་ཆ་འཕྲིན་ཅན་པུའུ་ནས་ཤེས་རྟོགས་བྱས་པར། 2024ལོའི་ཟླ་དང་པོ་ནས་བཅུ་གཅིག་པའི་བར་རང་རྒྱལ་གྱི་མཉེན་ཆས་ལས་རིགས་འཁོར་རྒྱུག་གི་རྣམ་པ་བཟང་ཞིང་། མཉེན་ཆས་ལས་རིགས་ཀྱི་ཡོང་འབབ་སྒོར་དུང་ཕྱུར་122903ཟིན་པ་དེ་དུས་མཚུངས་ལས་10.7%འཕར་བ་དང་། ཁེ་སྤོགས་བསྡོམས་འབོར་སྒོར་དུང་ཕྱུར་14822ཟིན་ནས་དུས་མཚུངས་ལས་9.2%འཕར་བ། ཕྱིར་གཏོང་ཨ་སྒོར་དུང་ཕྱུར་510.1ཟིན་པ་དེ་དུས་མཚུངས་ལས་4.8%འཕར་ཡོད།

    མཉེན་ཆས་ཐོན་རྫས་ཀྱི་ཡོང་འབབ་བརྟན་པོའི་ངང་འཕར་ཞིང་། ན་ནིང་གི་ཟླ་དང་པོ་ནས་བཅུ་གཅིག་པའི་བར་མཉེན་ཆས་ཐོན་རྫས་ཀྱི་ཡོང་འབབ་སྒོར་དུང་ཕྱུར་27493ཟིན་ནས་དུས་མཚུངས་ལས་7.7%འཕར་བ་དེས་ལས་རིགས་ཡོངས་ཀྱི་ཡོང་འབབ་ཀྱི་བསྡུར་ཚད་22.4%བཟུང་ཡོད། དེའི་ནང་བཟོ་ལས་མཉེན་ཆས་ཐོན་རྫས་ཀྱི་ཡོང་འབབ་སྒོར་དུང་ཕྱུར་2682ཟིན་ནས་དུས་མཚུངས་ལས་5.6%འཕར་བ་དང་རྨང་གཞིའི་མཉེན་ཆས་ཐོན་རྫས་ཀྱི་ཡོང་འབབ་སྒོར་དུང་ཕྱུར་1770ཟིན་ནས་དུས་མཚུངས་ལས་8.3%འཕར་ཡོད།

    ཆ་འཕྲིན་ལག་རྩལ་ཞབས་ཞུའི་ཡོང་འབབ་གྲངས་གནས་གཉིས་འཕར་རྒྱུ་རྒྱུན་འཁྱོངས་ཐུབ་ཅིང་། ན་ནིང་གི་ཟླ་དང་པོ་ནས་བཅུ་གཅིག་པའི་བར་ཆ་འཕྲིན་ལག་རྩལ་ཞབས་ཞུའི་ཡོང་འབབ་སྒོར་དུང་ཕྱུར་82674ཟིན་པ་དེ་དུས་མཚུངས་ལས་11.8%འཕར་ནས་ལས་རིགས་ཡོངས་ཀྱི་ཡོང་འབབ་ཀྱི་67.3%བཟུང་ཡོད། དེའི་ནང་སྤྲིན་ཚོམ་རྩིས་རྒྱག་དང་གྲངས་གཞི་ཆེ་མོའི་ཞབས་ཞུའི་ཡོང་འབབ་བསྡོམས་སྒོར་དུང་ཕྱུར་12691ཟིན་པ་དེ་དུས་མཚུངས་ལས་10.5%འཕར་ནས་ཆ་འཕྲིན་ལག་རྩལ་ཞབས་ཞུའི་ཡོང་འབབ་ཀྱི་15.4%བཟུང་ཡོད། འདུས་གྲུབ་གློག་ལམ་ཇུས་འགོད་ཀྱི་ཡོང་འབབ་སྒོར་དུང་ཕྱུར་3335ཟིན་པ་དེ་དུས་མཚུངས་ལས་14.8%འཕར་བ། དྲ་ཐོག་ཚོང་དོན་ལས་སྟེགས་ཀྱི་ལག་རྩལ་ཞབས་ཞུའི་ཡོང་འབབ་སྒོར་དུང་ཕྱུར་11173ཟིན་པ་དེ་དུས་མཚུངས་ལས་8.7%འཕར་ཡོད།

    ཆ་འཕྲིན་བདེ་འཇགས་ཀྱི་ཡོང་འབབ་འཕར་ཚད་འགོར་དུ་ཕྱིན་པ་དང་བསྒར་བརྒྱན་མ་ལག་གི་མཉེན་ཆས་ཡོང་འབབ་བརྟན་པོའི་ངང་འཕར་ཡོད། ན་ནིང་གི་ཟླ་དང་པོ་ནས་བཅུ་གཅིག་པའི་བར་ཆ་འཕྲིན་བདེ་འཇགས་ཀྱི་ཐོན་རྫས་དང་ཞབས་ཞུའི་ཡོང་འབབ་སྒོར་དུང་ཕྱུར་1987ཟིན་པ་དེ་དུས་མཚུངས་ལས་5.9%འཕར་བ་དང་བསྒར་བརྒྱན་མ་ལག་གི་མཉེན་ཆས་ཡོང་འབབ་སྒོར་དུང་ཕྱུར་10748ཟིན་པ་དེ་དུས་མཚུངས་ལས་10.7%འཕར་བ་རེད།