༄༅།།ཡུག་རེན་གྱིས་ཨུ་རུ་སུའི་བར་གྱི་ལས་དོན་འདི་དངོས་སུ་མཚམས་བཞག 

 ས་གནས་དེ་གའི་དུས་ཚོད་ཟླ་1ཚེས་1ཉིན། ཨུ་རུ་སུའི་ནུས་རྒྱུ་ཆེ་གྲས་ཨུ་རུ་སུ་རང་བྱུང་སོལ་རླངས་བཟོ་ལས་མ་རྐང་ཀུང་སིས་ཡུག་རེན་དང་མིང་རྟགས་བཀོད་པའི་ཨུ་རུ་སུ་རང་བྱུང་སོལ་རླངས་ཡུག་རེན་བརྒྱུད་དེ་ཡོ་རོབ་ལ་འདྲེན་རྒྱུའི་གྲོས་མཐུན་དུས་ཡུན་ཐིམས་པར་བརྟེན། ཨུ་རུ་སུ་རང་བྱུང་སོལ་རླངས་ཕྱོགས་ཀྱིས་མོ་སི་ཁོའི་དུས་ཚོད་ཚེས་1ཉིན་གྱི་ཆུ་ཚོད་8པར་སོལ་རླངས་སྐྱེལ་འདྲེན་བྱེད་མཚམས་བཞག་ཡོད་ཅེས་བརྡ་ཁྱབ་བཏང་བ་རེད། ཨུ་རུ་སུ་རང་བྱུང་སོལ་རླངས་བཟོ་ལས་མ་རྐང་ཀུང་སིར་ཡུག་རེན་བརྒྱུད་དེ་ཡོ་རོབ་ལ་རང་བྱུང་སོལ་རླངས་ཕྱིར་གཏོང་བྱེད་པའི་ལག་རྩལ་དང་བཅའ་ཁྲིམས་ཀྱི་ཆ་རྐྱེན་འཛོམས་མེད།

ཟླ་1ཚེས་1ཉིན། ཡུག་རེན་ནུས་ཁུངས་པུའུ་ཡིས། རྒྱལ་ཁབ་བདེ་འཇགས་ཀྱི་ཐད་ནས་བསམ་གཞིགས་བྱས་ཏེ། ཅེ་ཧྥུ་ཡི་དུས་ཚོད་ཚེས་1ཉིན་གྱི་ཆུ་ཚོད་7ཐོག(མོ་སི་ཁོའི་དུས་ཚོད་ཚེས་1ཉིན་གྱི་ཆུ་ཚོད་8ཐོག)རྒྱལ་ཁོངས་བརྒྱུད་དེ་ཨུ་རུ་སུའི་རང་བྱུང་སོལ་རླངས་སྐྱེལ་འདྲེན་བྱེད་མཚམས་བཞག་ཡོད། ཡུག་རེན་ཕྱོགས་ཀྱིས་གཏན་འབེབས་དེ་རྒྱལ་སྤྱིའི་རོགས་ཟླར་བརྡ་ཐོ་བཏང་ཡོད་ཅེས་བཤད།

2019ལོར་ཡོ་རོབ་མནའ་འབྲེལ་གྱི་བར་འདུམ་འོག ཨུ་རུ་སུ་དང་ཡུག་རེན་ཕྱོགས་གཉིས་པོས་དུས་ཡུན་ལོ་ལྔའི་རང་བྱུང་སོལ་རླངས་རྒྱལ་མཚམས་ལས་བརྒལ་བའི་སྐྱེལ་འདྲེན་གྲོས་མཐུན་ལ་མིང་རྟགས་བཀོད་པ་རེད། གྲོས་མཐུན་དེ་ས་གནས་དེ་གའི་དུས་ཚོད་2024ལོའི་ཟླ་12ཚེས་31ཉིན་དུས་ཡུན་ཐིམས་པ་རེད།