མི་དམངས་དྲ་བ།

༄༅།།ལོ་ན་18སོན་པའི་སྐྱེས་པས་ངེས་པར་དུ་ཐོ་འགོད་བྱེད་དགོས།

གསར་འགྱུར་སྤེལ་དུས། 　【2025ལོའི་ཟླ་ 01ཚེས་02ཉིན། 15:24】 ཡོང་ཁུངས།：མི་དམངས་དྲ་བ། （རྩོམ་སྒྲིག་འགན་འཁུར་པ། རྟ་མགྲིན།）

ཟླ་1ཚེས་1ཉིན་ནས་བཟུང་། 2025ལོའི་དམག་ཞབས་ཐོ་འགོད་ལས་དོན་དངོས་སུ་མགོ་བརྩམས། ཐོ་འགོད་བྱེད་སྟངས་ཁྱོད་ཀྱིས་ཤེས་སམ། གཤམ་གྱི་རིས་འགྲེལ་ཐོག་ནས་རྒྱུས་ལོན་བྱ་རོགས།

ལོ་18ལ་སླེབས་པའི་གཞོན་ནུ་སྐྱེས་པས་རྒྱལ་ཡོངས་དམག་བསྡུ་དྲ་བའམ（https://www.gfbzb.gov.cn/）ཡང་ན་ཀྲུང་གོའི་དམག་རྟགས་Appཐོ་འགོད་བྱས་ནས་མིང་ཐོ་བཀོད་ཆོག “དམག་དཔུང་དུ་ཞུགས་པའི་མིང་ཐོ་འགོད་པའི”འཇུག་སྒོ་མནོན་པ་དང་། དེ་ནས་“དམག་ཞབས་ཐོ་འགོད”མནན་ནས་ཐོ་འགོད་ལེགས་འགྲུབ་བྱེད་དགོས། ཐད་ཀར་དྲ་ཐོག་བསྡུ་ལེན་མིང་ཐོ་ལ་ཞུགས་ཆོག

ཁྲིམས་ལྟར་དམག་ཞབས་ཞུ་བ་དང་དམག་ཞབས་ཐོ་འགོད་བྱ་རྒྱུ་ནི་ལོ་ན་རན་པའི་སྤྱི་དམངས་ཚང་མས་བསྒྲུབ་དགོས་པའི་གཟི་བརྗིད་ལྡན་པའི་འོས་འགན་དང་བླ་ན་མེད་པའི་འགན་འཁྲི་ཡིན། རང་རྒྱལ་གྱི《དམག་ཞབས་བཅའ་ཁྲིམས》ནང་རྒྱལ་ཁབ་ཀྱིས་དམག་ཞབས་ཐོ་འགོད་ལམ་ལུགས་ལག་བསྟར་བྱེད་པ་ཁ་གསལ་བྱས་ཡོད་པ་དང་། ལོ་དེའི་ཟླ་12པའི་ཚེས་31ཉིན་གོང་ལོ་18ལ་སླེབས་པའི་སྐྱེས་པ་སྤྱི་དམངས་ཀྱིས་བཅའ་ཁྲིམས་ཀྱི་གཏན་འབེབས་ལྟར་དམག་ཞབས་ཐོ་འགོད་འོས་འགན་ལག་བསྟར་བྱེད་དགོས།