མི་དམངས་དྲ་བ།

༄༅།།ཀྲུང་གོའི་རོགས་སྐྱོར་དངོས་ཟོག་ཏུན་35འབྱོར་འདུག

གསར་འགྱུར་སྤེལ་དུས། 　【2025ལོའི་ཟླ་ 01ཚེས་02ཉིན། 15:06】 ཡོང་ཁུངས།：མི་དམངས་དྲ་བ། （རྩོམ་སྒྲིག་འགན་འཁུར་པ། རྟ་མགྲིན།）

ས་གནས་དེ་གའི་དུས་ཚོད་ཟླ་1ཚེས་2ཉིན། ཀྲུང་གོ་ཕྱོགས་ཀྱིས་མངགས་གཏོང་བྱས་པའི་རོགས་སྐྱོར་དངོས་ཟོག་ཏུན་35ཙམ་ཟིན་པའི་དབོར་འདྲེན་ཆེད་མངགས་གནམ་གྲུ་ཝ་ནུའུ་ཨ་ཐུའུ་ཡི་རྒྱལ་ས་ཝེ་ལཱ་གྲུ་ཁའི་རྒྱལ་སྤྱིའི་གནམ་གྲུ་ཐང་དུ་འབྱོར་ཡོད།

ཉིན་དེའི་སྔ་དྲོར། ཝ་ནུའུ་ཨ་ཐུའུ་རུ་བཅའ་སྡོད་ཀྲུང་གོའི་གཞུང་ཚབ་ཆེན་མོ་ཁང་གིས་གནམ་ཐང་དུ་དངོས་ཟོག་རྩིས་སྤྲོད་མཛད་སྒོ་གནང་བ་རེད།

ན་ནིང་ཟླ་12ཚེས་17ཉིན། ཞི་བདེ་རྒྱ་མཚོ་ལྷོ་མའི་གླིང་ཕྲན་རྒྱལ་ཁབ་ཝ་ནུའུ་ཨ་ཐུའུ་ཉེ་འགྲམ་གྱི་མཚོ་ཁོངས་སུ་ས་ཡོམ་རིམ་པ་7.3བརྒྱབ་པ་དང་། རྒྱལ་ས་ཝེ་ལཱ་གྲུ་ཁར་ཡོམ་ཚོར་དྲག་པོ་བྱུང་བ་དང་། འཛུགས་སྐྲུན་ཁག་ཅིག་ལ་གཏོར་སྐྱོན་བྱུང་བའམ་ཡང་ན་བརྡིབས་པ་རེད།