མི་དམངས་དྲ་བ།

༄༅།།གློག་རྡུལ་ཁྲལ་དོན་ཅུས་གསར་པས་ཁྲལ་འཇལ་མཁན་ཁྲི་9600ལྷག་ཙམ་ལ་ཞབས་འདེགས་ཞུས་པ།

ཟླ་རེར་ཆ་སྙོམས་ལས་སྒོ་གཉེར་ཚད་དུང་ཕྱུར་3.8ལྷག་ཙམ་ཟིན་པ།

གསར་འགྱུར་སྤེལ་དུས། 　【2024ལོའི་ཟླ་ 12ཚེས་19ཉིན། 14:16】 ཡོང་ཁུངས།：མི་དམངས་ཉིན་རེའི་ཚགས་པར། （རྩོམ་སྒྲིག་འགན་འཁུར་པ། རྟ་མགྲིན།）

འདི་ག་ཚགས་པར་ཁང་དུ་པེ་ཅིང་ནས་གློག་འཕྲིན་འབྱོར་གསལ། ཁྲལ་གཉེར་གྲོན་འཇལ་སྔར་བས་སྟབས་བདེ་རུ་གཏོང་ཆེད། རྒྱལ་ཁབ་ཁྲལ་དོན་སྤྱི་ཁྱབ་ཅུས་ཀྱིས་རྒྱལ་ཡོངས་ཀྱི་གཅིག་གྱུར་ཚད་ལྡན་གྱི་གློག་རྡུལ་ཁྲལ་དོན་ཅུས་གསར་པ་བཙུགས་པ་དང་འབྲེལ་ཁྱབ་གདལ་བཏང་བ་རེད། ཤེས་རྟོགས་བྱུང་བར་གཞིགས་ན། མིག་སྔར་རྒྱལ་ཡོངས་སུ་ཁྲལ་འཇལ་མཁན་ཁྲི་9600ལྷག་ཙམ་གྱིས་གློག་རྡུལ་ཁྲལ་དོན་ཅུས་གསར་པ་སྤྱོད་ཀྱི་ཡོད་པ་དང་ཟླ་རེར་ཆ་སྙོམས་དཔྱ་ཁྲལ་དང་འབྲེལ་བ་ཡོད་པའི་ལས་སྒོ་གཉེར་ཚད་དུང་ཕྱུར་3.8ཟིན་ནས་ཁྲལ་འཇལ་བའི་དུས་ཡུན་དེ་སྔ་ལས་20%ཐུང་དུ་ཕྱིན་ཡོད་པ་རེད།

ངོ་སྤྲོད་བྱས་པར་གཞིགས་ན། གློག་རྡུལ་ཁྲལ་དོན་ཅུས་གསར་པས་བཙོངས་འཛིན་ལས་སྒོའི་བརྒྱུད་རིམ་ཧྲིལ་པོ་དྲ་ཐོག་ཏུ་གཉེར་ཐུབ་པ་མ་ཟད། ད་དུང་ཁྲལ་དོན་ཐོ་འགོད་དང་། ཁྲལ་དངུལ་སྙན་ཞུ། ཁྲལ་དངུལ་འཇལ་བ་སོགས་ཕྱོགས་མང་པོའི་ལས་སྒོ་གཉེར་རྒྱུ་ཁྱབ་ཡོད་པ་རེད། མིག་སྔར། ཁྲལ་འཇལ་མཁན་གྱིས་དྲ་ཐོག་ནས་ལས་སྒོ་གཉེར་ཚད་དེ་ལས་སྒོ་ཡོངས་ཀྱི་གཉེར་ཚད་ཀྱི་89%ཟིན་པ་དང་། ཐོན་གྲངས་མང་བའི་ལས་སྒོ་90%སྐར་མ་3གྱི་ནང་གཉེར་ཐུབ་ཀྱི་ཡོད་པ་རེད།