༄༅།།ཟི་ལིང་ནས་སྐྱིད་གྲོང་དང་ཀ་ཏ་མན་རྡུ་བར་གྱི་མེ་འཁོར་བཏང་འདུག

    ཟླ་12ཚེས་18ཉིན། ཟི་ལིང་-སྐྱིད་གྲོང་-ཀ་ཏ་མན་རྡུ་གཞུང་ལམ་དང་ལྕགས་ལམ་མཉམ་འདྲེན་གྱི་དུས་གཏན་མེ་འཁོར་ཤར་གཏོང་མཛད་སྒོ་ཧྲོང་ཀྲའེ་འབབ་ཚུགས་ཀྱི་ལྕགས་ལམ་ཁྲོམ་རར་འཚོགས་པ་རེད།

    ཟི་ལིང་ནས་སྐྱིད་གྲོང་དང་ཀ་ཏ་མན་རྡུ་བར་གྱི་གཞུང་ལམ་དང་ལྕགས་ལམ་མཉམ་འདྲེན་གྱི་དུས་གཏན་མེ་འཁོར་དེ། ཀྲུང་གོ་ལྕགས་ལམ་མཚོ་བོད་ཚོགས་པ་ཚད་ཡོད་ཀུང་སིས་མཚོ་སྔོན་ཞིང་ཆེན་ཚོང་དོན་ཐིང་དང་མཉམ་དུ་བཏོད་པ་ཞིག་ཡིན་པ་དང་། ཁྱོན་འཁོར་སྒྲོམ་12ལ་ནུས་རྒྱུ་གསར་པའི་རླངས་འཁོར་24ཡོད་ཅིང་། ཧྲོང་ཀྲའེ་འབབ་ཚུགས་ནས་བཏང་སྟེ་དངོས་ཟོག་དག་བོད་རང་སྐྱོང་ལྗོངས་གཞིས་རྩེ་གྲོང་ཁྱེར་དུ་དབོར་བ་དང་། དེ་རྗེས་གཞུང་ལམ་བརྒྱུད་དབོར་ཏེ་སྐྱིད་གྲོང་འགག་སྒོ་ནས་རྒྱལ་མཚམས་སྒྲོལ་ཏེ་མཐར་བལ་བོའི་རྒྱལ་ས་ཀ་ཏ་མན་རྡུར་འབྱོར་བ་ཞིག་རེད། ལམ་ཚད་ཧྲིལ་པོར་སྤྱི་ལེ་2800ལྷག་ཙམ་ཡོད་པ་རེད།