༄༅།།ཞི་ཅིན་ཕིང་ཆེད་གཏོང་གནམ་གྲུར་བཞུགས་ཏེ་པ་ཞི་ལི་ཡ་ནས་ཞལ་གྱེས་པ།

     འདི་ག་ཚགས་པར་ཁང་དུ་པ་ཞི་ལི་ཡ་ནས་ཟླ་11ཚེས་21ཉིན་གློག་འཕྲིན་འབྱོར་གསལ། ས་གནས་དེ་གའི་དུས་ཚོད་ཟླ་11ཚེས་21ཉིན་གྱི་སྔ་དྲོར། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་རྒྱལ་ཁབ་ཉི་ཤུ་ཚོགས་པའི་འགོ་ཁྲིད་པའི་དབུ་ཚོགས་ཐེངས་བཅུ་དགུ་པར་ཞུགས་པ་དང་པར་ཙིར་དུ་རྒྱལ་དོན་འཚམས་འདྲི་གནང་མཇུག་འགྲིལ་རྗེས་ཆེད་གཏོང་གནམ་གྲུར་བཞུགས་ནས་རང་རྒྱལ་དུ་ཕྱིར་ལོག་གནང་བ་རེད།

    པ་ཞི་ལི་ཡ་ནས་ཞལ་གྱེས་སྐབས། པར་ཙིར་གྱི་ཞིང་ལས་པུའི་པུའུ་ཀྲང་ཧྥ་ཝ་ལུའོ་དང་། གཏེར་ཁ་དང་ནུས་རྒྱུ་པུའི་པུའུ་ཀྲང་ཞིར་ཝེ་ལ། གྲུ་ཁ་དང་གནམ་ཐང་གི་པུའུ་ཀྲང་ཁོ་སི་ཐ། པ་ཞི་ལི་ཡའི་མཁའ་དམག་རྟེན་གཞིའི་དམག་སྤྱི་སྨི་ཀེར་སོགས་མཐོ་རིམ་དཔོན་རིགས་གནམ་ཐང་དུ་ཕེབས་སྐྱེལ་ཞུ་བར་བཅར་བ་རེད།

    ཞི་ཅིན་ཕིང་རླངས་འཁོར་དུ་བཞུགས་ནས་གནམ་ཐང་དུ་ཕེབས་པའི་ལམ་བར་དུ་ཕྱིར་སྡོད་རང་མི་དང་ཕྱི་ཁོངས་ཀྲུང་གོ་བ། ཀྲུང་གོའི་མ་འཇོག་སྒྲིག་གཞི། ཕྱི་སྦྱོང་སློབ་མའི་འཐུས་མི་བཅས་ཀྱིས་ཀྲུང་པར་རྒྱལ་ཁབ་གཉིས་ཀྱི་རྒྱལ་དར་གཡུག་གཡུག་བྱས་ནས“མཛའ་གྲོགས་ཁྲི་ལོར་བརྟན་པར་ཤོག”ཅེས་སྐད་གསང་མཐོན་པོས་བསྒྲགས་པ་དང་། ཀྲུའུ་ཞི་ཞི་ཅིན་ཕིང་གི་འཚམས་འདྲི་ཐུགས་གྲ་ལེགས་འགྲིག་བྱུང་བར་རྟེན་འབྲེལ་ཞུས་པ་རེད།