མི་དམངས་དྲ་བ།

༄༅།།ཡུག་རེན་གྱི་གནད་དོན་ཐད་ཚོཊ་འདུ་འདི་འཚོཊ།

གསར་འགྱུར་སྤེལ་དུས། 　【2024ལོའི་ཟླ་ 11ཚེས་20ཉིན། 14:31】 ཡོང་ཁུངས།：མི་དམངས་དྲ་བ། （རྩོམ་སྒྲིག་འགན་འཁུར་པ། རྟ་མགྲིན།）

ས་གནས་དེ་གའི་དུས་ཚོད་ཚེས་18ཉིན། མཉམ་འབྲེལ་རྒྱལ་ཚོགས་བདེ་འཇགས་ལས་འཛིན་ལྷན་ཚོགས་ཀྱིས་ཨུ་རུ་སུ་དང་ཡུག་རེན་གྱི་གདོང་ཐུག་བྱུང་ནས་ཉིན་1000འགོར་བའི་རིམ་པ་མཐོ་བའི་ཚོགས་འདུ་འཚོགས་པ་རེད། ཚོགས་འདུའི་ཐོག་མཉམ་འབྲེལ་རྒྱལ་ཚོགས་སུ་རྒྱུན་སྡོད་ཀྲུང་གོའི་འཐུས་མི་གཞོན་པ་ཀེང་ཧྲོང་གིས། “ཨ་རིའི་ལས་རོགས་ཚོས་གཏམ་མ་བཤད་གོང་། རབ་ཡིན་ན་སྔོན་ལ་མིག་སྔའི་གནས་བབ་ཤེས་རྟོགས་ཐུབ་རྒྱུའི་རེ་བ་ཡོད”ཅེས་བཤད་ནས། ཡུལ་དངོས་སུ་ཨ་རིའི་འཐུས་མིས་ཀྲུང་གོའི་ཕྱོགས་ལ་དམའ་འབེབས་དང་ནག་ཉེས་འགེལ་བའི་གཏམ་བརྗོད་ལ་དགག་པ་བརྒྱབ་པ་རེད།

ཡུག་རེན་གྱི་ཉམས་ཉེན་ཐོན་པ་ནས་ད་བར་རྒྱུན་མཐུད་བྱས་པ་དེ་ཨ་རི་དང་འབྲེལ་བ་ཧ་ཅང་ཆེན་པོ་ཡོད་པ་དང་། འབྱུང་འགྱུར་སྔ་ཙམ་དམག་འཁྲུག་མཚམས་འཇོག་ཐུབ་མིན་དང་ཆབ་སྲིད་ཀྱི་ཐོག་ནས་ཐག་གཅོད་ཐུབ་མིན་དེ་ཚད་ངེས་ཅན་ཞིག་གི་ཐོག་ནས་ཨ་རིའི་རྣམ་འགྱུར་དང་བྱ་སྤྱོད་ལ་རག་ལས་ཡོད་ཅེས་བཤད། ཨ་རི་ཕྱོགས་ཀྱིས་བསམ་བཞིན་དུ་ཉམས་ཉེན་ཆེ་རུ་གཏོང་བ་དང་དམག་འཁྲུག་གི་དུས་ཡུན་རིང་དུ་གཏོང་བ། གོ་སྐབས་དང་བསྟུན་ནས་རྒྱལ་ཁབ་གཞན་དག་ལ་རྡུང་རྡེག་གཏོང་བ། རང་ངོས་ཀྱི་ས་བབ་འཐབ་ཇུས་ལ་སྐུལ་འདེད་གཏོང་བ་བཅས་ཀྱི་རེ་ངན་དེ་རིགས་འགྲུབ་མི་ཐུབ་པ་ཤེས་ཐུབ་པའི་རེ་བ་བྱེད་ཀྱི་ཡོད་ཅེས་བཤད།