༄༅།།གྲོང་ཚོ་འདིར་སྟག་ཅིག་ཐོན་འདུག  

    ཧེ་ལུང་ཅང་ཆི་ཐའེ་ཧོ་གྲོང་ཁྱེར་པོ་ལི་རྫོང་ནགས་ལས་དང་རྩྭ་ཐང་ཅུས་ཀྱིས་ཚེས་18ཉིན་བདེ་འཇགས་དྲན་སྐུལ་ཁྱབ་བསྒྲགས་བྱས་དོན། ཟླ་11ཚེས་18ཉིན་གྱི་ཆུ་ཚོད་6དང་སྐར་མ་38ཐོག པོ་ལི་རྫོང་གི་110བཀོད་འདོམས་ལྟེ་གནས་ལ“ཆུ་ཚོད་6པ་ཙམ་ལ་པོ་ལི་རྫོང་ཅི་ཤིང་ཁྲའོ་ཞན་རིགས་མན་ཇུ་རིགས་ཤང་ཁྲང་ཐའེ་གྲོང་ཚོར་སྟག་ཅིག་མཐོང་བྱུང”ཞེས་སྙན་ཞུ་འབྱོར་བ་དང་། ཡུལ་དངོས་སུ་ཞིབ་དཔྱད་རགས་ཙམ་བྱས་པ་བརྒྱུད། ཁྲང་ཐའེ་གྲོང་ཚོའི་གྲོང་མི་ཞིག་གི་ལག་པ་གཡོན་པར་སྟག་ཅིག་གིས་སོ་བཏབས་པ་དང་། མིག་སྔར་སྨན་ཁང་དུ་སྨན་བཅོས་བྱེད་བཞིན་ཡོད་པ་དང་ཚེ་སྲོག་ལ་གནོད་རྐྱེན་ཐེབས་མེད།

    རྫོང་སྤྱི་བདེ་ཅུས་དང་། ནགས་ལས་དང་རྩྭ་ཐང་ཅུས། འཕྲལ་སྡོམ་དོ་དམ་ཅུས་སོགས་སྡེ་ཁག་དང་དེ་བཞིན་ཁོངས་གཏོགས་ཁུལ་གྱི་ཤང་དང་གྲོང་རྡལ་གྱི་ལས་དོན་མི་སྣ་ཡུལ་དངོས་སུ་འབྱོར་ནས་སྟག་གི་རྗེས་ཤུལ་སྙེག་པ་རེད།

    རྒྱ་ཆེའི་གྲོང་མི་མང་ཚོགས་ཚོས་བདེ་འཇགས་དོགས་ཟོན་ཡག་པོ་བྱས་ནས་རི་སྐྱེས་སྲོག་ཆགས་ལ་སྲུང་སྐྱོང་བྱེད་ཤུགས་ཆེ་རུ་གཏོང་དགོས། ཉེ་འཁོར་ཤང་གྲོང་གི་སྡོད་དམངས་ཚོས་གལ་ཏེ་རི་སྐྱེས་སྲོག་ཆགས་ཆེ་གྲས་ཀྱི་རྗེས་ཤུལ་མཐོང་ཚེ། དུས་ཐོག་ཏུ་ཉེན་ཁ་ལས་གཡོལ་ནས་རང་ཉིད་ཀྱི་བདེ་འཇགས་ལ་ཁག་ཐེག་བྱས་རྗེས་མྱུར་དུ་ཡར་ཞུ་བྱ་དགོས།

    དེ་སྔོན་གནས་འཕྲིན་སྤེལ་བར་གཞིགས་ན། ཟླ་11ཚེས་18ཉིན་གྱི་ཆུ་ཚོད་6དང་སྐར་མ་10ཙམ་ལ་པོ་ལི་རྫོང་ཅི་ཤིང་ཤང་ཀྲང་ཐའེ་གྲོང་ཚོའི་ཞིང་དུད་ཅིག་གི་བརྙན་མིག་ནང་རི་སྐྱེས་བྱང་ཤར་སྟག་ཅིག་རྒྱུགས་པའི་བརྙན་ཕབ་པ་དང་། བྱང་ཤར་སྟག་དེས་ཞིང་དུད་དེའི་ལྕགས་སྒོར་ཤུགས་ཀྱིས་བརྡུངས་པ་རེད།