མི་དམངས་དྲ་བ།

༄༅།།ཨ་རི་དང་རྒྱལ་ཁབ་འདིས་དམག་དོན་གྲོས་མཐུན་བཞག་པའི་ཐད།

གསར་འགྱུར་སྤེལ་དུས། 　【2024ལོའི་ཟླ་ 11ཚེས་19ཉིན། 13:55】 ཡོང་ཁུངས།：མི་དམངས་ཉིན་རེའི་ཚགས་པར། （རྩོམ་སྒྲིག་འགན་འཁུར་པ། མཁའ་འགྲོ།）

ཟླ་11ཚེས་18ཉིན་ཕྱི་འབྲེལ་པུའི་མགྲིན་ཚབ་པ་ལིན་ཅན་གྱིས་གསར་འགོད་པའི་རྒྱུན་ལྡན་གྱི་ཚོགས་འདུ་གཙོ་སྐྱོང་བྱས།

གསར་འགོད་པས་དྲི་བ་བཏོན་དོན། དེ་རིང་ཨ་རི་དང་ཧྥི་ལི་ཕིན་གྱིས་དམག་དོན་གསང་འཕྲིན་སྐོར་གྱི་བདེ་འཇགས་གྲོས་མཐུན་ཞིག་ལ་མིང་རྟགས་བཀོད་ནས། རྒྱལ་ཁབ་གཉིས་ཀྱིས་གསང་བའི་ཆ་འཕྲིན་མཉམ་སྤྱོད་བྱེད་པར་ཆོག་འཐུས་བྱས། ཀྲུང་གོ་དང་ཧྥི་ལི་ཕིན་བར་གྱི་ལྷོ་རྒྱ་མཚོའི་རྩོད་གཞིར་བསམ་གཞིག་བྱས་ན། ཀྲུང་གོ་ཕྱོགས་ཀྱིས་བྱ་སྤྱོད་དེར་ལྟ་སྟངས་ཇི་ལྟར་འཛིན་གྱི་ཡོད་དམ།

ལིན་ཅན་གྱིས། དམག་དོན་གྲོས་མཐུན་གང་ཞིག་ལ་མིང་རྟགས་བཀོད་པ་དང་འགོག་སྲུང་བདེ་འཇགས་མཉམ་ལས་གང་ཞིག་སྤེལ་རུང་། ཕྱོགས་གསུམ་པར་དམིགས་པའམ་ཡང་ན་ཕྱོགས་གསུམ་པའི་ཁེ་ཕན་ལ་གནོད་འཚེ་གཏོང་མི་རུང་ལ། ས་ཁུལ་གྱི་ཞི་བདེར་གནོད་རྐྱེན་བཟོ་བ་དང་ས་ཁུལ་གྱི་གནས་བབ་དེ་བས་ཛ་དྲག་ཆེ་རུ་གཏོང་མི་རུང་། རང་ཉིད་རྒྱལ་ཁབ་ཀྱི་བདེ་འཇགས་སྲུང་སྐྱོང་དང་། ས་ཁུལ་གྱི་ཞི་བདེ་དང་བརྟན་བརླིང་སྲུང་སྐྱོང་བྱེད་པའི་གདམ་ག་ཡང་དག་པ་ནི་ཁྱིམ་མཚེས་རྒྱལ་ཁབ་བར་གྱི་མཛའ་མཐུན་རྒྱུན་འཁྱོངས་དང་། འཐབ་ཇུས་རང་བདག་རྒྱུན་འཁྱོངས་བྱ་རྒྱུ་དེ་རེད།