མི་དམངས་དྲ་བ།

༄༅།།ཡུལ་གཞན་དུ་གྱར་བའི་རིག་དངོས་56ཕྱིར་ལོག་པ།

གསར་འགྱུར་སྤེལ་དུས། 　【2024ལོའི་ཟླ་ 11ཚེས་11ཉིན། 15:19】 ཡོང་ཁུངས།：མི་དམངས་དྲ་བ། （རྩོམ་སྒྲིག་འགན་འཁུར་པ། མཁའ་འགྲོ།）

ཟླ་11ཚེས་9ཉིན་གསར་འགོད་པས་རྒྱལ་ཁབ་རིག་དངོས་ཅུས་ནས་ཤེས་རྟོགས་བྱས་པར་གཞིགས་ན། ཡུལ་གཞན་དུ་གྱར་བའི་རིག་དངོས་སྒྱུ་རྩལ་ཐོན་རྫས་56ཉེ་ཆར་དབྱི་ཐ་ལི་ནས་མེས་རྒྱལ་གྱི་པང་དུ་ལོག་པ་རེད།

ངོ་སྤྲོད་བྱས་པར་གཞིགས་ན། 2022ལོའི་ཟླ་10པ་དང་2024ལོའི་ཟླ་4པར། དབྱི་ཐ་ལིའི་རིག་དངོས་དམག་སྲིད་ཉེན་རྟོག་པས་རང་རྒྱལ་ལ་རྩད་ཆོད་པའི་ཀྲུང་གོའི་རིག་དངོས་ཆ་འཕྲིན་འདྲ་པོ་ཁག་3དང་ཁག་53བརྡ་ཁྱབ་བཏང་བ་རེད། རྒྱལ་ཁབ་རིག་དངོས་ཅུས་ཀྱིས་རིགས་གཅིག་མཁས་ཅན་གྱི་གསལ་འབྱེད་དང་བཅའ་ཁྲིམས་ཀྱི་ཞིབ་འཇུག་བརྡར་གཅོད་བྱས་འབྲས་གཞིར་བཟུང་། དབྱི་ཐ་ལི་ཕྱོགས་ལ་ཞིབ་ཅིང་ཕྲ་བའི་གསལ་འབྱེད་བསམ་འཆར་དང་བཅའ་ཁྲིམས་ཀྱི་གཞི་འཛིན་སའི་སྙན་ཞུ་མཁོ་འདོན་བྱས་པ་དང་། ཕྱི་འབྲེལ་གྱི་ཐབས་ལམ་བརྒྱུད་དབྱི་ཐ་ལི་སྲིད་གཞུང་ལ་དངོས་སུ་ཕྱིར་སློག་དགོས་པའི་རེ་བ་བཏོན་པ་དང་། དབྱི་ཐ་ལི་ཕྱོགས་ཀྱིས་གོང་གསལ་རིག་དངོས་སྒྱུ་རྩལ་ཐོན་རྫས་56ཕྱིར་བསློག་རྒྱུའི་ཐག་བཅད་པ་རེད།