༄༅།།ཀྲུང་གུང་འཐུས་མི་ཚོགས་པས་ལྷོ་ཨ་ཧྥེ་རི་ཁར་འཚམས་འདྲི་གནང་བ།

    འདི་ག་ཚགས་པར་ཁང་དུ་གྲོང་ཁྱེར་གཡོད་ཧན་ནེ་སི་པའོ་ནས་གློག་འཕྲིན་འབྱོར་གསལ། ཉེ་ཆར། རྒྱལ་ཁབ་དངུལ་རྩ་ལྟ་འདོམས་སྤྱི་ཁྱབ་ཅུས་ཏང་ཨུད་ཀྱི་ཧྲུའུ་ཅི་དང་ཅུས་ཀྲང་ལི་ཡུན་ཙེ་ཡིས་ཀྲུང་གུང་འཐུས་མི་ཚོགས་པའི་སྣེ་ཁྲིད་དེ་ལྷོ་ཨ་ཧྥེ་རི་ཁར་འཚམས་འདྲི་གནང་བ་དང་། ལྷོ་ཨ་ཧྥེ་རི་ཁའི་ལས་རིགས་ཁག་ལ་ཕྱོགས་ནས་གཉེར་བའི་ཀྲུང་གུང་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་དྲིལ་བསྒྲགས་ངོ་སྤྲོད་ཚོགས་འདུར་ཞུགས་པ། ཨ་ཧྥེ་རི་ཁ་བའི་རྒྱལ་དམངས་ཚོགས་ཆེན་གྱི་སྤྱི་ཁྱབ་ཧྲུའུ་ཅི་མུའུ་པཱ་ལུའུ་ལཱ་དང་། ཨ་ཧྥེ་རི་ཁ་བའི་རྒྱལ་དམངས་ཚོགས་ཆེན་ཤིས་ཁའེ་ཕུའུ་ཞིང་ཆེན་གྱི་ཀྲུའུ་ཞི་ཝུའུ་དབྱི་སོའོ། དེ་བཞིན་ལྷོ་ཨ་ཧྥེ་རི་ཁའི་གཟབ་ནན་ལྟ་འདོམས་ཅུས་ཀྱི་དབུ་བཞུགས་ལག་བསྟར་དཔོན་དང་གསོག་འཇོག་དངུལ་ཁང་གི་ཧང་ཀྲང་གཞོན་པ་གཅིག་ལྕོགས་ཧྥུང་ཏི་བཅས་དང་མཇལ་འཕྲད་གནང་བ། ཀྲུང་གུང་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་དྲིལ་བསྒྲགས་ངོ་སྤྲོད་གཏིང་ཟབ་གནང་བ། རྒྱལ་ཁབ་གཉིས་ཀྱི་གཙོ་བདག་གི་ཐུན་མོང་ངོས་འཛིན་གལ་ཆེན་དོན་འཁྱོལ་དང་རྒྱལ་ཁབ་གཉིས་དང་ཏང་གཉིས་ཀྱི་འབྲེལ་བའི་འཕེལ་རྒྱས་ལ་སྐུལ་འདེད་གཏོང་རྒྱུའི་ཐད་སྤེལ་རེས་གཏིང་ཟབ་གནང་བ་རེད།

    ལྷོ་ཨ་ཧྥེ་རི་ཁ་ཕྱོགས་ཀྱིས་ཀྲུང་གུང་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དོན་སྙིང་གལ་ཆེན་ལ་ཚད་མཐོའི་གདེང་འཇོག་གནང་བ་དང་འབྲེལ། ཀྲུང་གོ་ཕྱོགས་དང་སྤེལ་རེས་དང་ཕན་ཚུན་དཔྱད་གཞིར་འཛིན་རྒྱུར་ཤུགས་སྣོན་རྒྱག་པ་དང་དངོས་སྒྲུབ་མཉམ་ལས་ཟབ་ཏུ་བཏང་ནས། ལྷོ་ཨ་ཧྥེ་རི་ཁ་དང་ཀྲུང་གོའི་འབྲེལ་བ་སྐས་རིམ་གསར་པ་ཞིག་ཏུ་སླེབས་པར་སྐུལ་འདེད་གཏོང་འདོད་ཡོད་ཅེས་གསུངས་པ་རེད།