༄༅།།ཐའེ་ཝན་མཐའ་འཁོར་དུ་དམག་སྦྱོང་བྱས་འདུག 

 ཤར་རྒྱུད་འཐབ་ཁུལ་གྱི་གསར་འགྱུར་མགྲིན་ཚབ་པ་ལི་ཞི་ཧའེ་ཅུན་ཏ་ཞའོ་ཡིས། ཟླ་10ཚེས་14ཉིན་ཀྲུང་གོའི་མི་དམངས་བཅིངས་འགྲོལ་དམག་ཤར་རྒྱུད་འཐབ་ཁུལ་གྱིས་འཐབ་ཁུལ་གྱི་སྐམ་དམག་དང་། མཚོ་དམག མཁའ་དམག མེ་ཤུགས་འཕུར་མདའི་དམག་དཔུང་སོགས་དམག་ཤུགས་སྒྲིག་འཛུགས་བྱས་ཏེ། ཐའེ་ཝན་མཚོ་འགག་དང་། ཐའེ་ཝན་གླིང་ཕྲན་གྱི་བྱང་རྒྱུད། ཐའེ་ཝན་གླིང་ཕྲན་གྱི་ལྷོ་རྒྱུད། ཐའེ་ཝན་གླིང་ཕྲན་གྱི་ཤར་རྒྱུད་བཅས་སུ“མཉམ་འབྲེལ་རལ་གྲི——2024B་”ཞེས་པའི་དམག་སྦྱོང་བྱས་པ་དང་། དམག་གྲུ་དང་གནམ་གྲུ་མང་ཆེ་བ་ཐའེ་ཝན་གླིང་ཕྲན་དུ་འབྱོར་བ་དང་། དམག་རིགས་ཁག་གིས་མཉམ་འབྲེལ་ཐོག་འཕྲལ་རྒོལ་བྱས་པ་དང་། མཚོ་ཐོག་དང་མཁའ་དབྱིངས་ཀྱི་དམག་གྲབས་ཉེན་ཟོན་སྐོར་གཡེང་གཙོ་གནད་ཐོག་དམག་སྦྱོང་བྱས་པ། མཚོ་ཐོག་དང་སྐམ་སར་རྡུང་རྡེག་བཏང་བ། ཕྱོགས་བསྡུས་ལམ་ལུགས་ཀྱི་དབང་ཆ་འཕྲོག་པ་སོགས་ཀྱི་རྣམ་གྲངས་གཙོ་གནད་ཐོག་དམག་སྦྱོང་བྱས་ཏེ། འཐབ་ཁུལ་དཔུང་སྡེའི་མཉམ་འབྲེལ་དམག་འཐབ་དངོས་འཐབ་ནུས་པར་ཞིབ་བཤེར་བྱ་རྒྱུ་རེད། འདི་ནི་“ཐའེ་ཝན་རང་བཙན་”གྱི་ཁ་ཕྲལ་སྟོབས་ཤུགས་ཀྱིས་“རང་བཙན་”དོན་གཉེར་བྱེད་པའི་བྱ་སྤྱོད་ལ་ཟིལ་གནོན་དྲག་པོ་བྱས་པ་ཞིག་ཡིན་ལ། རྒྱལ་ཁབ་ཀྱི་བདག་དབང་སྲུང་སྐྱོང་དང་རྒྱལ་ཁབ་ཀྱི་གཅིག་གྱུར་སྲུང་སྐྱོང་བྱེད་པའི་དགོས་ངེས་ཀྱི་བྱ་སྤྱོད་ཅིག་ཀྱང་ཡིན་ཞེས་བཤད་པ་རེད།