༄༅།།ཛ་དྲག་གི་དྲན་སྐུལ་བྱས་འདུག 

 ཟླ་10ཚེས་8ཉིན། ཕྱི་འབྲེལ་པུའི་གཞུང་ཚབ་དོན་གཅོད་སི་ཡིས་གཞུང་ཡིག་བཏང་ནས་ཀྲུང་གོའི་སྤྱི་དམངས་ལ་གཟབ་ནན་ངང་ཕ་ཁི་སི་ཐན་དུ་བསྐྱོད་རྒྱུའི་དྲན་སྐུལ་བྱས་པ་རེད། རྩོམ་ཡིག་ཆ་ཚང་གཤམ་གསལ། ཉེ་དུས་ཕ་ཁི་སི་ཐན་གྱི་བདེ་འཇགས་གནས་བབ་ཛ་དྲག་ཆེ་ཞིང་རྙོག་འཛིང་ཆེ་བ་དང་། བདེ་འཇགས་དོན་རྐྱེན་ཡང་ཡང་བྱུང་བ་རེད། ཕྱི་འབྲེལ་པུའུ་དང་ཕ་ཁི་སི་ཐན་དུ་བཅའ་སྡོད་ཀྲུང་གོའི་གཞུང་ཚབ་དོན་གཅོད་ཁང་གིས་ཀྲུང་གོའི་སྤྱི་དམངས་ལ་ཕ་ཁི་སི་ཐན་གྱི་མིག་སྔའི་བདེ་འཇགས་ཀྱི་ཉེན་ཁར་ངོས་འཛིན་གང་ལེགས་བྱས་ཏེ། གཟབ་ནན་ངང་ཕ་ཁི་སི་ཐན་དུ་བསྐྱོད་དགོས་པ་ལས་གནས་སྐབས་པི་ལུའུ་ཀྲི་ཞིང་ཆེན་དང་ཁའེ་ཕུའུ་ཞིང་ཆེན་སོགས་ཉེན་ཁ་ཆེ་བའི་ས་ཁུལ་དུ་བསྐྱོད་མི་རུང་བའི་དྲན་སྐུལ་ཡང་བསྐྱར་བྱས་པ་རེད། ཕ་ཁི་སི་ཐན་དུ་ཡོད་པའི་ཀྲུང་གོའི་མི་སྣ་དང་སྒྲིག་གཞི་དང་རྣམ་གྲངས་བཅས་ཀྱིས་ངེས་པར་དུ་དོགས་ཟོན་ཆེར་བསྐྱེད་དང་། ས་གནས་དེ་གའི་བདེ་འཇགས་ཀྱི་གནས་བབ་ལ་དོ་ཁུར་དམ་ཟབ་བྱས་ཏེ་བདེ་འཇགས་ཀྱི་འདུ་ཤེས་ཟབ་ཏུ་ཏན་ཏིག་གཏོང་བ་དང་། བདེ་འཇགས་ཀྱི་ཉེན་ཁ་ཕྱོགས་ཡོངས་ནས་གྲལ་བཤེར་བྱས་ཏེ་བདེ་འཇགས་དོགས་ཟོན་གྱི་བྱ་ཐབས་ལ་ཤུགས་སྣོན་རྒྱག་དགོས། གལ་ཏེ་ཛ་དྲག་ཆེ་བའི་གནས་ཚུལ་འཕྲད་ཚེ། དུས་ཐོག་ཏུ་ཕ་ཁི་སི་ཐན་དུ་བཅའ་སྡོད་ཀྲུང་གོའི་གཞུང་ཚབ་དོན་གཅོད་ཁང་དང་འབྲེལ་བ་བྱས་ནས་རོགས་རམ་ཐོབ་ཐབས་བྱེད་དགོས།

ཕ་ཁི་སི་ཐན་གྱི་ཛ་དྲག་རོགས་སྐྱོར་ཁ་པར། ཉེན་རྟོག་ཁ་པར་ཨང་གྲངས་15 མྱུར་སྐྱོབ་ཁ་པར་ཨང་གྲངས་115ཡིན།

ཕྱི་འབྲེལ་པུའི་གོ་ལ་ཧྲིལ་པོའི་གཞུང་ཚབ་དོན་གཅོད་སྲུང་སྐྱོབ་དང་ཞབས་ཞུའི་འཕྲལ་བསྟུན་ཐད་སྦྲེལ་ཁ་པར(ཆུ་ཚོད་24) +86-10-12308；+86-10-65612308ཡིན།

ཕ་ཁི་སི་ཐན་དུ་བཅའ་སྡོད་གཞུང་ཚབ་ཁང་གི་གཞུང་ཚབ་དོན་གཅོད་སྲུང་སྐྱོབ་དང་གཞོགས་འདེགས་ཁ་པར+92-315-6060000ཡིན།

ཁ་ལ་ཆི་རུ་བཅའ་སྡོད་སྤྱི་ཁྱབ་གཞུང་ཚབ་དོན་གཅོད་ཁང་གི་གཞུང་ཚབ་དོན་གཅོད་སྲུང་སྐྱོབ་དང་གཞོགས་འདེགས་ཁ་པར+92-311-2311297ཡིན།

ལ་ཧར་བཅའ་སྡོད་སྤྱི་ཁྱབ་གཞུང་ཚབ་དོན་གཅོད་ཁང་གི་གཞུང་ཚབ་དོན་གཅོད་སྲུང་སྐྱོབ་དང་གཞོགས་འདེགས་ཁ་པར+92-315-4130168ཡིན།