༄༅།།ཆུ་ལོག་བྱུང་ནས་ལམ་འདི་དག་ཆད་འདུག 

 ཟླ་9ཚེས་16ཉིན་གྱི་ཞོགས་པའི་ཆུ་ཚོད་5དང་སྐར་མ་30ཡི་ཐོག རྒྱལ་ལམ་350རྒྱུད་ཀྱི་སི་ཁྲོན་ཝུན་ཁྲོན་རྫོང་ཀུན་ཏ་གྲོང་རྡལ་K897+550 （ཏ་ཧྲི་པའོ།） ཝོ་ལུང་གྲོང་རྡལ་K912+370 (ཅན་ཀྲུའུ་དང་པོ་དང་གཉིས་པའི་ཕུག་ལམ་བར།） K919+400 （གསེར་དངུལ་འོབས་དོང）སོགས་སུ་འདམ་རྡོའི་ཆུ་རུད་ཐོན་ནས་ལམ་ཆད་པ་དང་། ཡུལ་དངོས་སུ་རླངས་འཁོར་1ཁེགས་ཡོད་ཀྱང་མི་སྣ་བདེ་འཇགས་རེད།

མིག་སྔར་ཡུལ་དངོས་སུ་ཆར་པ་དང་འདམ་རྡོའི་ཆུ་རུད་བསྟུད་མར་ཐོན་ནས། གཞུང་ལམ་ཉེན་སེལ་གྱི“མི་སྐྱོབ་པ་བདུན་”གྱི་བླང་བྱ་གཞིར་བཟུང་། ད་ཆ་ཉེན་སྐྱོབ་ཀྱི་ཆ་རྐྱེན་འཛོམས་མེད། གཞུང་ལམ་ཕྱོགས་ཀྱིས་ལམ་ཆད་པའི་ཆ་འཕྲིན་ཁྱབ་བསྒྲགས་བྱས་ཟིན་པ་དང་། ཆ་རྐྱེན་འཛོམས་རྗེས་འཕྲལ་མར་མྱུར་ཏུ་ཤར་གཏོང་བྱེད་པའི་ལས་ཀ་སྒྲིག་འཛུགས་བྱ་རྒྱུ་དང་། སྔོན་དཔག་བྱས་ན་ཟླ་9ཚེས་16ཉིན་གྱི་ཆུ་ཚོད་18ཙམ་ལ་གཞུང་ལམ་ཤར་གཏོང་ཐུབ་རྒྱུ་རེད།